ՀՀ երրորդ նախագահ Սերժ Սարգսյանը ուղերձ է հղել

ՀՀ երրորդ նախագահ Սերժ Սարգսյանը ուղերձ է հղել

Քաղաքական Ipress 2020-03-27 19:17:00 3078
Հետևեք մեզ՝ Telegram-ում
hnn_LCSz9.jpg

«Սիրելի՛ արցախցիներ,

Իմ քույրե՛ր և եղբայրնե՛ր,

 

Արցախում համապետական հերթական ընտրությունների անցկացման ժամկետը համընկել է ամբողջ աշխարհը պատուհասած` լրջագույն մարտահրավերներով և վտանգներով լի մի ժամանակաշրջանի հետ, երբ մարդկանց առողջությունը պահպանելն ու կյանքեր փրկելը բացարձակ առաջնահերթություն է բոլոր պետությունների և ազգերի համար:

Օրեցօր աշխարհում փոխվում կամ ձևափոխվում են պատկերացումները անվտանգության, պաշտպանվածության, արդյունավետ կառավարման, անգամ մարդկային պարզ վարքագծի կանոնների, միմյանց մասին հոգ տանելու և հասարակական հարաբերությունների մասին:

Ոմանք այն համարում են մի նոր պատերազմ, ոմանք` մարդկության նորագույն պատմության ամենածանր ճգնաժամը, ուրիշներն այն դիտում են որպես իրենց ազգային անվտանգությանը լրջագույն սպառնալիք, փակվում են պետական սահմաններ, հայտարարվում համաճարակային վտանգի ամենաբարձր՝ «կարմիր» աստիճան և այլն: Այո, մարդկային կյանքեր փրկելն ու պետությունները ճգնաժամային ստեղծված իրավիճակում արդյունավետ կառավարելն այս փուլում բոլորի համար ամենակարևորն է, հետո կգա համավարակի տնտեսական վնասները չեզոքացնելու և քաղաքացիների արժանապատիվ կեցությունն ապահովելու դժվարին` հետճգնաժամային ժամանակաշրջանը:

Արցախի իշխանությունները, հուսով եմ, սթափ և ճիշտ կգնահատեն իրավիճակը, անվրեպ կհաշվարկեն վտանգները և կկայացնեն որոշումներ, որոնք չեն վտանգի սեփական քաղաքացիների կյանքը: Իմ մարտական ընկերները, այդ թվում` իշխանության մեջ գտնվող, վստահ եմ, լավագույնս գիտեն մարդկային կյանքի արժեքը:

Խնդրում եմ, ինքներդ էլ զգոն եղեք, հոգ տարեք ձեր և ձեր ընտանիքների, ձեր շրջապատում խնամքի կարիք ունեցող անձանց հանդեպ, պահպանեք ձեր առողջությունն ու կյանքը: Սա ևս կյանքի և մահվան պայքար է, ինչպես պատերազմի ժամանակ, որը մենք տարիներ առաջ միասին արժանապատվորեն անցանք և հաղթեցինք:

Արցախցու համար արժանապատիվ ապրելն առաջին հերթին եղել և մնում է իր հողի վրա սեփական ճակատագիրն ինքնուրույն տնօրինելը, որի համար չափազանց թանկ է վճարել: Շուրջ երեք տասնամյակ առաջ արդար պայքարի ու մաքառման արդյունքում, մեր հազարավոր եղբայրների և քույրերի կյանքի գնով նվաճեցինք ազատ ու արժանապատիվ ապրելու այդ իրավունքը:

Տարիներ ի վեր Արցախի ինքնորոշման իրավունքի միջազգային ճանաչման ուղղությամբ մեր բանակցությունների հիմքում եղել են նաև միջազգային բոլոր չափանիշներին համապատասխան` ձեր կատարած համապետական և ՏԻՄ ընտրությունների արդյունքները:

Լեռնային Ղարաբաղի խնդրով հետաքրքրված օտարերկրյա գործիչներին և կազմակերպություններին մշտապես հորդորել եմ այցելել Արցախ և տեսնել, թե ինչպես է արցախցին այդ ընտրությունների միջոցով կառուցում համամարդկային արժեքների վրա հիմնված ժողովրդավարական հասարակություն և ազգային պետություն:

Իմ պատվարժան հայրենակիցնե՛ր,

Ինչպիսին էլ այս օրերին լինի Արցախի բարձրագույն ղեկավարության որոշումը ընտրությունների անցկացման վերաբերյալ, առկա իրավիճակով պայմանավորված՝ երբ էլ դրանք անցկացվեն, պետք է հերթական անգամ դառնան ձեր ազատ կամարտահայտության վկայությունը, ինչը կշարունակի հզոր կռվան լինել Արցախի հիմնախնդրի կարգավորման բանակցային գործընթացում:

Արցախը երբեք չի՛ լինելու Ադրբեջանի կազմում, և Հանրապետության նախագահի ու Ազգային ժողովի ընտրությունները պետք է այս պնդումը անհերքելի իրողություն դարձնեն:

Վերահաստատե՛ք ձեր կամքը` կառուցելու հզոր, բարեկեցիկ, ազգային պետություն` հիմնված համամարդկային և քրիստոնեական բարձր արժեքների վրա:

Սիրելի՛ արցախցիներ,

Երբևէ թույլ չտաք քաղաքական պայքարը խաթարի հանրային համերաշխությունը, կոտրի ձեր միասնականության ոգին և թուլացնի զգոնությունը. պատերազմի վտանգն այսօր նույնքան իրական է, որքան շուրջ երեք տասնամյակ առաջ:

Ամեն օր աշխարհում տեղի ունեցող զարգացումները, ուժի անթաքույց ցուցադրմամբ, միջազգային մարդասիրական իրավունքի կոպտորեն խախտմամբ վարվող պատերազմները, բոլոր առումներով սպառնալիք դարձած նոր տեսակի համավարակը անվտանգության մասին լրջորեն մտորելու ահազանգ են:

Ընտրե՛ ք պետության անվտանգությունը լավագույնս ապահովողին, նրան, ով ունակ է ամենածանր փորձությունից հաղթանակած դուրս գալու, և դա ապացուցել է սեփական օրինակով ու հերոսությամբ, ով կարող է հմուտ կառավարել երկիրը, վստահ և պատվախնդրորեն ներկայացնել ձեզ ու արտահայտել ձեր կամքը, ձեր ստեղծարար միտքը և ներուժը ծառայեցնել երկրի հզորացմանն ու ձեր բարեկեցությանը:

Ձևավորե՛ ք քաղաքական լայն ներկայացվածությամբ ու բազմակարծություն ունեցող խորհրդարան և
անկասելի դարձրեք ազատ, անկախ, ժողովրդավարական Արցախի ընթացքը:

Ես հավատում եմ, որ մեր հավաքական ուժը՝ Հայաստան, Արցախ և Սփյուռք եռամիասնությամբ, ի զորու է իրականություն դարձնելու համազգային մեր գաղափարներն ու նպատակները, և որ Արցախի նորընտիր իշխանություններն այս գաղափարի կրողն ու ջատագովն են լինելու:

Աստված զորավիգ և պահապան լինի Արցախին և մեր ողջ ժողովրդին»,-այս մասին հայտնում է ՀՀ 3-րդ նախագահի գրասենյակը:

Поделиться
Класс
Send
img8115_ZvCRx.jpeg

62-ամյա կնոջ երեխաները հրապարակումից հետո գտել են իրենց մորը․ ՏԵՍԱՆՅՈՒԹ

img8115csv1o_18qXP.jpeg

Տեսանյութ. «Ձեռքերս կպտեցին, քցեցին մաշինեն». տարեց կինը գերեվարվել է սեպտեմբերի 18-ին, 6 օր բռնության ենթարկվել

img8113_87z8g.jpeg

Նմանություն Կա՞

img8110_VIirA.jpeg

Այս տեսքով՝ Հայաստան պետության գոյությանն ամիսներ են մնացել․ Դավիթ Սարգսյան

img5435_u98Gn.jpeg

Կտրուկ տատանումներ. Փոխարժեքները վերելք են ապրում. ԿԲ

img8104_eNKbg.jpeg

12-ամյա Կարենը. 40 ժամ ղեկին լինելով` ընտանիքին Արցախից բերել, հասցրել է Հայաստան

img81004f1qs_jmsEu.jpeg

Սոսե Բալասանյանն որոշել է մնալ ու ապրել Արցախում. Մանրամասներ

img8045_W_mFw.jpeg

Վերջին տեղահանվածները լքեցին Արցախը. Երևանից այլևս ավտոբուսներ չեն գնա Լեռնային Ղարաբաղ բնակիչներին դուրս բերելու համար

img4477_LAcdw.jpeg

1 օր գազ չի լինի. Տեղեկացեք

img8093fpvig_RkwYI.jpeg

Խոշոր ավտովթար Սյունիքում. Վիրավորները երեխաներ են

img8087i-jkn_umNYr.jpeg

«Ադրբեջանցիները ասեցին, եթե կուզես կնոջդ տանենք Շուշիում ծննդաբերի» .Արցախում ծնված վերջին արցախցին. Տեսանյութ

img8095_zSPYF.jpeg

Թե ինչու են էդպես արագ-արագ բոլորը Սյունիքում հյուպատոսություններ բացում. Կարեն Անտաշյան

Քաղաքական 2172

Հայաստանին «խաղաղության վերջին առաջարկն ենք անում»

Հասարակական 1461

«Մսացու տիկին, վախենու՞մ ես, որ Պիծիգորսկի ադրբեջանցիները քեզանից առևտուր չեն անի». Լիլիթ Հովակիմյան

Քաղաքական 1254

Համացանցում տարածվում է Տարոն Չախոյանի և Արմեն Խաչատրյանի սկանդալային նամակագրությունը. ՖՈՏՈ

Բանակ 891

Դիրքեր կան, որ ողջ անձնակազմը զոհվել է. Իրավիճակը սահմանին. Նոր մանրամասներ

Իրադարձային 822

ԲԱՑԱՌԻԿ ՏԵՍԱՆՅՈՒԹ այսօր տեղի ունեցած ողբերգական վթարից

Քաղաքական 756

Հայկ Մարությանը քիչ առաջ հրապարակեց որոշումը

Իրադարձային 723

Ողբերգական դեպք․ մանկապարտեզից հիվանդանոց տեղափոխված երեխան վերակենդանացման բաժանմունքում մահացել է

Տնտեսական 699

Ռուբլին ու դոլարը կտրուկ թանկացան. Կենտրոնական բանկը հայտնում է

Տնտեսական 687

Ռուբլին կտրուկ թանկացավ. Կենտրոնական բանկի նոր տվյալները

Քաղաքական 615

«Ադրբեջանը պահանջում է 100 մլրդ դոլար կամ Սյունիքն ու Գեղարքունիքը». Նաիրի Հոխիկյան