Հայտնի են դառնում ադրբեջանական կորուստների մասին առաջին տեղեկությունները, այդ մասին գրում է ՌԱԶՄ.info-ն՝ հղում անելով ադրբեջանական ԶԼՄ-ներին:
Ադրբեջանական ընդդիմադիր «Մեյդան» լրատվակայքի համակարգող Հեբիբ Աբդուլլաևը հայտնում է կորուստներից մեկի անունը՝ 1980թ․ ծնված փոխգնդապետ Մեհման Միրազիզ օղլու Շիրվանով (Mehman Mirəziz oğlu Şirvanov):
Ավելի վաղ՝ ադրբեջանական սոցցանցերում գրառումներ եղան Շիրվանովի սպանվելու մասին: Շիրվանովը Լենքորանի բնակիչ էր։
Հիշեցնենք, որ սեպտեմբերի 27-ի առավոտյան ժ․ 07։10-ին Ադրբեջանը շփման գծի ողջ երկայնքով անցել է հարձակման։
Հայաստանի և Արցախի Հանրապետություններում հայտարարվել է ռազմական դրություն և ընդհանուր զորահավաք։