«Հայերը մեզ սխալ են հասկացել»․ Ալիևի ներկայացուցիչ

Հայաստանը պետք է Ադրբեջանին հուսալի երաշխիքներ տրամադրի «Զանգեզուրի միջանցքի» երկայնքով՝ Ադրբեջանի հիմնական մասի և Նախիջևանի միջև անխափան երթևեկության համար։

Report-ի հաղորդմամբ՝ այս մասին հայտարարել է Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովը։

«Զանգեզուրի միջանցքի մասով նշեմ, որ հայերը սխալ են հասկացել մեզ։ Ադրբեջանական կողմը չի հավակնում այդ տարածքներին և ճանաչում է դրանք որպես Հայաստանի ինքնիշխան տարածք։ Այլ հարց է, թե ինչպես են հայերը ապահովելու

միջանցքի անվտանգությունը: Սա առանձին հարց է, քանի որ եռակողմ հայտարարության համաձայն՝ անվտանգությունը պետք է ապահովեին ռուս սահմանապահները։

Այժմ, կարծես, հայերը վերանայում են այդ պարտավորությունը, քանի որ ռուսներին վերապահված այդ դերն այլևս ընդունելի չեն համարում»,- ասել է նա։