««Հայանտառ» ՊՈԱԿ-ի՝ Գյումրիի անտառտնտեսություն մասնաճյուղում 2022 թվականի աշնանը հիմնվել է նոր 2,5 հա անտառ 1000 գծամետր ցանկապատով»,- այս մասին iPess.am-ի հետ զրույցում ասաց տնտեսության ավագ անտառապետ Արմեն Ավալյանը։
Վերջինիս խոսքով մեկ հեկտարի համար նախատեսված է եղել 3000 սերմնաբուսակ, ինչը շուրջ երեք անգամ գերազանցում է նախորդ տարիների սերմնաբուսակներին։ «Նախորդ տարիներին հիմնած անտառներում կատարվել է սերմնաբուսակներով լրացում 6,7 հա՝ 1 հեկտարիի համար նախատեսված է եղել 1090 սերմնաբուսակ»,- հավելեց Արմեն Ավալյանը։
Ըստ մեր զրուցակցի՝ Գյումրիի անտառտնտեսություն մասնաճյուղում այս տարի ընդհանուր առմամբ տնկվել է 14800 տնկի՝ սոճի, հացենի, թխկի, թեղի, խնձորենի, ինչպես նաև կատարվել են տարատեսակ խնամքի ագրոտեխնիկական աշխատանքներ։
Ինչպես նախորդ տարիներին, այս տարի ևս, մարզի անտառամերձ բնակավայրերի անապահով բնակիչներին՝ շուրջ 100 ընտանիքի, իրենց իսկ դիմումի համաձայն, անվճար տրամադրվել է 3-5 խմ թափուկ վառելափայտ։
«Ընդհանուր առմամբ անապահով բնակիչներին տրամադրված վառելիքը կազմել է 350 խմ։ Ողջ աշխատանքները կազմակերպում և վերահսկում եմ ես, իսկ մասնաճյուղի պահպանության գծով տնօրենի տեղակալ Մկրտիչ Ալեքսանյանը հետևողական է այս ողջ գործընթացիք,- վերջում iPess.am-ի հետ զրույցում հավելեց Արմեն Ավալյանը։
English
Русский
