Խոշոր հրդեհ է բռնկվել Երևանում․ ՖՈՏՈ

Խոշոր հրդեհ է բռնկվել Երևանում․ ՖՈՏՈ

Հասարակական Ipress 2024-06-18 12:48:00 1422
Հետևեք մեզ՝ Telegram-ում
xoshor-hrdeh-2_VPHB2.jpg

Երեկ՝ հունիսի 18-ին, խոշոր հրդեհ է տեղի ունեցել Երևանում: Ժամը 11:10-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Դավիթաշեն 3-րդ թաղամասում գործող ՄԳ սուպերմարկետի հետնամասի շենքերից մեկի 1-ին հարկի պատշգամբում:

Ինչպես հայտնում է ֆոտոլրագրող Գագիկ Շամշյանը, դեպքի վայր է ժամանել թիվ 7-րդ հրշեջ-փրկարարական ջոկատից 2 մարտական հաշվարկ:

Ժամանել են նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի պարեկները:

Վերջիններս սահմանազատել են տարածքը, հրշեջներն էլ նախ կանխել են կրակի տարածումը, ապա մարել այն:
Օպերատիվորեն ժամանել են նաև «Գազպրոմ Արմենիա», «Տրանսգազ», և Երևանի ԳԳՄ-ի ծառայողները:
Տեղում պարզվել է, որ հրդեհը գազամատակարարման պատճառով չի եղել:

Այրվել է բնակարանի պատշգամբում կուտակված փայտը, ջերմահարվել սահնանգույցի առաստաղը ու բնակարանի 80 քմ տարածքում գտնվող պլաստմասսե իրեր:

Поделиться
Класс
Send