Խոշոր հրդեհ՝ Երևանում. Մանրամասներ

Այսօր՝ հունիսի 4-ին, խոշոր հրդեհ է տեղի ունեցել Երևանում։ Ժամը 20։00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արաբկիր վարչական շրջանի Նաիրի Զարյան փողոցում, Արաբկիրի եկեղեցու հետնամասում գտնվող նորակառույց բազմաբնակարանային բարձրահարկ շենքի վերջին հարկում կրակ է նկատվում։

Պարեկները սահմանազատել են տարածքը, տեղում ուժեղացված ծառայության են անցել նրանք։

Թե ի՞նչն է եղել հրդեհի պատճառը և ով է շենքի սեփականատերն ու կառուցապատողը՝ պարզվում է։ 

Տեղում են նաև «Գազպրոմ Արմենիա», «Տրանս գազ» և Երևանի ԳԳՄ-ի աշխատակիցները, ինչպես նաև Երևանի 1-03 շտապօգնության բժիշկների հերթապահ խումբը։

Ըստ նախնական տեղեկությունների, բարեբախտաբար, տուժածներ չկան։