Խոշոր հրդեհ՝ Դսեղ գյուղում հայտնի «Շաքարյան ռանչո» հյուրատան ռեստորանում. Այն վերածվել է մոխրակույտի․ ՖՈՏՈ

Այսօր՝ հուլիսի 15-ին, խոշոր հրդեհ է տեղի ունեցել Լոռու մարզում։ Ժամը 01։00-ի սահմաններում ՀՀ Ներքին գործերի նախարարության ոստիկանության Լոռու մարզային վարչությունում և ոստիկանության Թումանյանի բաժնում օպերատիվ տեղեկություններ  են ստացվել, որ Դսեղ գյուղում գործող «Շաքարյան ռանչո» հյուրատան ռեստորանային համալիրում հրդեհ է բռնկվել։

Մինչ հրշեջների ժամանումը կրակի տարածման դեպ փորձել են պայքարել «Շաքարյան ռանչո»-ի աշխատակիցները, սակայն կրակը բավականին արագ է տարածվել և հրշեջ փրկարարներից ու հյուրատան աշխատակիցներից մի քանի ժամ է պահանջվել, որպեսզի կարողանան նախ կանխել կրակի տարածումը ապա մարել այն։ 

Ըստ նախնական տեղեկությունների հրդեհի հետևանքով բարեբախտաբար տուժածներ չկան։

Ֆոտոլրագրողը հայտնում է, որ կրակը տեսանելի էր անգամ մի քանի կմ-ից, իսկ ռեստորանային համալիրը ամբողջությամբ վերածվել է մոխրակույտի և միայն «Շաքարյան ռանչո»-ի աշխատակցիների, հրշեջ փրկարարների ու պարեկների շնորհիվ է, որ կրակը չի տարածվել հարևան շինություններ։

Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում են, թե ինչ հանգամանքներում է հրդեհը բռնկվել։