Խոշոր ավտովթար՝ Արարատի մարզում

Այսօր օգոստոսի 21-ին խոշոր ավտովթար է տեղի ունեցել Արարատի մարզում: Ժամը 11:30-ի սահմաններում Արտաշատ-Երևան ավտոճանապարհ 2-րդ կմ հատվածում բախվել են «Lexus» և «Opel Astra» մակնիշի ավտոմեքենաները:  

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է «Արտաշատ» բժշկական կենտրոն:

Վիրավորին առաջինը օգնության են հասել քաղաքացիները, և ըստ դեպքի վայրում հավաքվածների, օպերատիվ են գործել «Արտաշատ» բժշկական կենտրոնի շտապօգնության բժիշկների հերթապահ խումբը:

Բախման հետևանքով «Lexus»-ը դուրս է եկել երթևեկելի գոտուց և գլխիվայր հայտնվել դաշտում:

Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վարորդների և վիրավորի ինքնությունը:  

Ըստ նախնական տեղեկությունների՝ «Lexus»»-ը բախվել է «Opel»-ին, ապա կորցրել ավտոմեքենայի կառավարումը և գլխիվայր հայտնվել դաշտում: