Իրանի եւ Հայաստանի միջեւ սահմանը պետք է մնա անփոփոխ։ Այս մասին հայտարարել է Իրանի արտաքին գործերի նախարար Հոսեյն Ամիր-Աբդոլլահիանը՝ իր ադրբեջանցի գործընկեր Ջեյհուն Բայրամովի հետ հեռախոսազրույցում։
«Մենք հայ-իրանական սահմանը դիտարկում ենք որպես հաղորդակցության պատմական ճանապարհ, որն անհրաժեշտ է պահպանել առանց որեւէ փոփոխության»,- Իրանի Իսլամական Հանրապետության արտաքին գործերի նախարարության մամուլի ծառայությունը մեջբերում է իրանցի նախարարին։
Անհանգստություն հայտնելով Ադրբեջանի եւ Հայաստանի միջեւ բախումների նոր փուլի մեկնարկի կապակցությամբ՝ Ամիր-Աբդոլլահիանն ընդգծել է, որ Իրանի Իսլամական Հանրապետությունը պատրաստ է աջակցել խնդրի խաղաղ եւ քաղաքական ճանապարհով կարգավորմանը։
English
Русский
