Իրանի նախագահի ուղղաթիռի կործանումից հետո զոհերից մեկը մեկ ժամ ողջ է եղել. Նոր մանրամասներ

Իրանի նախագահի ուղղաթիռի բոլոր 8 ուղևորների մարմինները նույնականացվել են:

Իրանական աղբյուրները հաղորդում են, որ Իմամ Այաթոլլահ Ալ-Հաշեմն ուղղաթիռի կործանումից հետո մեկ ժամ ողջ է եղել և նույնիսկ հեռախոսային կապ է հաստատել նախագահական գրասենյակի ղեկավարի հետ:

Նրա մարմինը միակն է եղել, որ գտնվել է ավելի լավ ֆիզիկական վիճակում, քան մյուս զոհվածները և ամենաքիչն է այրվել․ նա ավիավթարից հետո ևս մեկ ժամ ապրել է և նույնիսկ հեռախոսով շփվել է նախագահի աշխատակազմի ղեկավարի հետ:

Մյուս զոհվածների մարմինները, որոնց թվում են Իրանի նախագահ Էբրահիմ Ռաիսին, ԱԳՆ ղեկավար Հոսեյն Ամիր Աբդոլլահիանը և այլք, այրվել են, սակայն նրանց կարողացել են ճանաչել առանց ԴՆԹ-փորձաքննության անցկացման: