Ինչու է թանկացել անշարժ գույքը եւ ինչ է սպասվում

Ինչու է թանկացել անշարժ գույքը եւ ինչ է սպասվում

Հասարակական Ipress 2022-05-20 09:46:00 5811
Հետևեք մեզ՝ Telegram-ում
ansarz-guyk_2R2oX.jpg

Lragir.am-ի զրուցակիցն է «Կենտրոն» անշարժ գույքի գործակալության տնօրեն Վահե Դանիելյանը

Պարոն Դանիելյան, ի՞նչ իրավիճակ է անշարժ գույքի շուկայում, գիտենք, որ վարձակալության ու վաճառքի գներն աճում են։

Շուկայի վիճակը շատ ակտիվ է, գործարքների քանակը շատ է, և գներն աճում են՝ թե վարձակալության, թե վաճառքի։ Վարձակալական շուկայում տարվա սկզբից սկսած 30-40 տոկոս աճ ունենք, բայց ասեմ, որ վարձակալական շուկայի աճի տեմպերն արդեն նվազել են, որովհետև Ռուսաստանից ներհոսքը պակասել է, նախկինի պես շատ չէ։ Հունվարից սկսած վաճառքի շուկայում մոտ 15 տոկոս գնաճ ունենք, և վաճառքների քանակն ու գները շարունակում են աճի տեմպը պահպանել։

Ինչո՞ւ, որովհետև Հայաստան եկողները նաև անշարժ գո՞ւյք են ձեռք բերում։

Եկողները հիմնականում վարձակալում են, մի փոքր մասը նաև գնում են։ Քանի որ վարձակալության գները բարձրացել են, վաճառողների մի մասն իրենց վաճառքը դադարեցրել են և սկսել վարձով տալ իրենց բնակարանները։ Արդյունքում՝ առաջացել է գնորդների մի խավ, ովքեր ուզում են գնել ու վարձով հանձնել անշարժ գույքը, քանի որ եկամտաբերությունը բարձրացել է։

Սա արհեստակա՞ն գնաճ է, այսինքն՝ որոշ ժամանակ անց անշարժ գույքի վաճառքի ու վարձակալության գներն իջնելո՞ւ են, թե՞ բարձր տենդենցը կպահպանվի։

Առայժմ պահպանվում է, ապագայի համար ոչինչ չեմ կարող ասել։ Նաև մի գործոն էլ է նպաստում դրան․ դոլար-դրամ փոխարժեքն անընդհատ տատանվում է, մարդիկ փոփոխությունների ժամանակ նախընտրում են ներդրումներ կատարել անշարժ գույքի մեջ, քանի որ շուկան ավելի կայուն է։

Երևանի համար անշարժ գույքի վարձակալության գների այսչափ աճը նորմա՞լ է։

Ընդհանուր առմամբ սեփականատերերի համար շատ լավ է, որ գները բարձր են, բայց մեր քաղաքացիների համար շատ վատ է սա։ Ուսանողներ են գալիս, ովքեր ցանկանում են Երևանում տուն վարձել, բայց չեն կարողանում։ Հայաստանի քաղաքացիների համար այս գնաճը շատ վատ է, բայց մյուս կողմից բնական երևույթ է, արհեստական ոչինչ չկա։ Ազատ շուկա է, ոչ ոք չի կարող գների սահմանափակում մտցնել, քանի որ գները որոշվում են առաջարկի և պահանջարկի միջոցով։ Ինչ վերաբերում է Ռուսաստանից եկողներին, նրանք հիմնականում IT ոլորտի ընկերություններում են աշխատում, շատ բարձր աշխատավարձ ունեն, իրենց համար վարձակալության այս գները նորմալ են, կարողանում են վճարել այդ գումարները։ Բայց տեղի բնակչության եկամուտներն այդքան բարձր չեն։

Հետևաբար, ի՞նչ է տեղի ունենում, տեղացիները Երևանի ծայրամասերո՞ւմ են սկսել բնակարաններ վարձակալել։

Վարձում են շատ ավելի փոքր և ավելի վատ պայմաններով բնակարաններ հիմնականում Երևանի ծայրամասերում։ Եթե նախկինում կենտրոնում, օրինակ, համալսարանի մոտ ուսանողները կարող էին բնակարան վարձակալել, հիմա ավելի ծայրամասեր են գնում։ Արդեն Երևանի մոտակայքում գտնվող քաղաքների վարձակալության շուկաներն են ակտիվացել, քանի որ երբ գումարը չի հերիքում, մարդիկ ստիպված մի քիչ հեռու են գնում։

Ի՞նչ կանխատեսումներ ունեք շուկայի վերաբերյալ։

Կարծում եմ՝ գործարքների քանակը շարունակելու է ավելանալ, և գները շարունակելու են աճել։ Մեկ գործոն էլ կա, դա այն է, որ փողն ընդհանրապես արժեքը կորցնում է՝ թե դոլարը, թե դրամը։ Եվ ամբողջ աշխարհում հիմա բավական մեծ թանկացումներ են նկատվում։ Այդ թանկացումները պայմանավորված են նրանով, որ չափից շատ գումար են մտցրել շուկա, տարբեր երկրների Կենտրոնական բանկեր ինտերվենցիա են արել։ Ես մարդկանց խորհուրդ կտամ անշարժ գույք ձեռք բերել, կապիտալ ներդրումներ անել, որովհետև այն շարունակելու է թանկանալ, իսկ փողն իր արժեքը կորցնելու է։

Поделиться
Класс
Send
tata-simonyan-hovhannes-vardanyan_8NiPA.jpg

Մեր սիրելի ընկեր. Թաթա Սիմոնյանը՝ Հովհաննես Վարդանյանի մասին

sirusho_Jkcqp.jpg

Հայտնի է Սիրուշոյի դստեր անունը

vtar-1_yuwZH.jpg

Ողբերգական ավտովթար. Վահե Ներսիսյանը մահացել է

rubli_ZEaeq.jpg

Ռուբլին կտրուկ աճեց. Դոլարն ավելի էժանացավ

inqnaspanutyun_SGfFe.jpg

Լուսանկարներ՝ Ցեղասպանության թանգարանից ցած նետված երիտասարդի դեպքից

viravor-zinvor_5gSpG.jpg

Վթարի հետևանքով պայմանագրային զինծառայող է մահացել

karkut_FRH2E.jpg

Ուժգին կարկուտը գետնին էհավասարեցրել ծառերն ու կոտրել պատուհանները. Լուսանկարներ

putineritasard_dLtXB.jpg

Երիտասարդը Հայոց ցեղասպանության թանգարանից իրեն ցած է նետել. նրա հեռախոսում հայտնաբերվել է հաղորդագրություն

putin_Y1DoE.jpg

Պուտինը գիշերը շտապ ժամանել է Կրեմլ. ՌԴ ՊՆ-ն հաղորդագրություն տարածեց. Տեսանյութ

sirusho-levon_yNECb.jpg

Ծնվել է Սիրուշոյի և Լևոն Քոչարյանի դուստրը. ՏԵՍԱՆՅՈՒԹ

yuri-shatunov_zM9ug.jpg

ՈՒՂԻՂ. Տեղի է ունենում Յուրի Շատունովի հոգեհանգստի արարողությունը. Հազարավոր երկրպագուներ են ներկա

sos_sTAyI.jpg

ՏԵՍԱՆՅՈՒԹ. ԱՄՆ-ում ծեծի են ենթարկել դերասան Սոս Կարապետյանին