Թբիլիսի-Բաթումի գնացքը բախվել է կառամատույցին․ Կան զոհեր

Սեպտեմբերի 3-ին Թբիլիսիում երկհարկանի Stadler գնացքը բախվել է կառամատույցին: Վրաստանի «Ազատություն» ռադիոկայանի շտապ բժշկական կենտրոնի մամուլի ծառայությունից հայտնել են, որ միջադեպի հետեւանքով երկու մարդ է մահացել։
Ավելի ուշ «Վրացական երկաթուղի» ընկերությունը հայտարարություն է տարածել, որում ասվում է, որ գնացքի բախման հետևանքով երկու զոհվածները ընկերության աշխատակիցներ են:

«Դիդուբե-Ավճալա հատվածում տեղի ունեցած երկաթուղային վթարի հետևանքով վրացական երկաթուղու երկու աշխատակից է զոհվել»,- ասվում է հաղորդագրության մեջ։

Գնացքի ուղեւորները չեն տուժել, հայտնում է ընկերությունը։ Հաղորդվում է, որ կատարվում է դեպքի մանրամասն հետաքննություն, տեղում շարունակվում են քննչական գործողությունները, որից հետո Բաթումի-Թբիլիսի գնացքը կմեկնի Թբիլիսիի կենտրոնական կայարանի ուղղությամբ։

Աղետի պատճառով սեպտեմբերի 3-ին՝ ժամը 17:00-ին, չեղարկվել է Թբիլիսի-Բաթումի չվերթը։ «Վրացական երկաթուղին» հայտնել է, որ ուղեւորներին կփոխհատուցի չեղարկված տոմսերի արժեքը։