Երևանում խոշոր ավտովթար է տեղի ունեցել

Այսօր՝ հուլիսի 14-ին, խոշոր ավտովթար է տեղի ունեցել Երևանում։ Ժամը 00:30-ի սահմաններում Դավթաշեն վարչական շրջանի Տիգրան Պետրոսյան 10/6 շենքի դիմաց բախվել են 2 «Mercedes», «BMW» և «Toyota» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինն օգնության են հասել քաղաքացիներն ու օպերատիվորեն ժամանած Երևանի 103 շտապօգնության բժիշկների հերթապահ խումբը, մարմնական վնասվածքներով տեղափոխվել են Երևանի տարբեր հիվանդանոցներ։

Վթար հետևանքով «BMW»-ն էլ բախվել է ճանապարհին տեղադրված աղբամաններին, իսկ կայանված «Mercedes»-ը մասամբ հայտնվել է մայթին։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են վարորդների և վիրավորների ինքնությունը։

Ֆոտոլրագրողը հայտնում է որ վթարված ավտոմեքենաներից «Mercedes» ու «Toyota»-ն եղել են ճանապարհի թույլատրելի հատվածում կայանված։