Երևանում վթար է տեղի ունեցել․ ՖՈՏՈ

Այսօր՝ մարտի 21-ին, մոպեդի և ավտոմեքենայի բախում է տեղի ունեցել Երևանում։

Ժամը 16։40-ի սահմաններում Բաղրամյան պողոտայում՝ ՀՀ Նախագահի նստավայրի դիմաց, բախվել են «Kia» մակնիշի ավտոմեքենան ու մոպեդը։

Ինչպես հայտնում է ֆոտոլրագրող Գագիկ Շամշյանը, բախման հետևանքով մոպեդը կողաշրջվել է։

Տեղում վարորդն ու մոպեդավարը հրաժարվել են բուժօգնությունից ու պարեկային ծառայությունից, ասելով, որ իրենք չեն տուժել։