Երևանում խոտանված դիտահորը ավտոմեքենայի հրդեհի պատճառ է դարձել

Երեկ՝ հունիսի 10-ին, արտակարգ դեպք է տեղի ունեցել Երևանում: Ժամը 17:10-ի սահմաններում Երևանի բնակիչ 45–ամյա Վահագն Գրիգորյանը իր վարած «ՎԱԶ 217030» մակնիշի ավտոմեքենայով Գարեգին Նժդեհ-Սևանի փողոցների խաչմերուկում ընկել է վնասված դիտահորի մեջ, ապա առաջ ընթացել, ինչից հետո ավտոմեքենայում հդեհ է բռնկվել:

Մինչև հրշեջների ժամանումը՝ առաջացած կրակի դեմ պայքարել են վարորդն ու քաղաքացիները:Ժամանած հրշեջները կատարել են հրդեհաշիջման աշխատանքներ:  

Վթար-հրդեհի հետևանքով բարեբախտաբար տուժածներ չկան:

SHAMSHYAN.com-ի թղթակցին վարորդը հայտնել է, որ ինքը պատրաստվում է վնասված դիտահորի պատճառով նյութական վնասի փոխհատուցում ստանալու համար դիմել կամ Երևանի քաղքապետարան, կամ եթե փոխհատուցում չտրվի, դատական կագով լուծի խնդիրը: