Ե՞րբ եք զբաղվելու երեւանցիների խնդրով, խաբել եք մի ամբողջ ժողովրդի. ԲՀԿ-ականը հունից դուրս եկավ. Տեսանյութ

Ես ձեզ լսում եմ 40 րոպե եւ ոչ մի տրամաբանական բան չեմ լսում, ուրեմն հիմա շատ լավ կառավարվում է Կենդանաբանական այգին, շատ լավ վիճակում է եւ կարծում եմ, որ պետք չի, որ դուք 40 րոպե պատմեք, թե կենդանաբանական այգու կառավարման մեջ պետք է փոփոխություն անել: Այս մասին, այսօր՝ սեպտեմբերի 8-ին, Երեւանի ավագանու նիստում հայտարարեց ԲՀԿ խմբակցության անդամ Արմեն Ներսիսյանը՝ դիմելով «Իմ քայլը» խմբակցության անդամ Արմեն Անտոնյանին, որը Կենդանաբանական այգու կանոնադրության մեջ փոփոխությունների նախագիծ էր ներկայացնում:

«Ես չտեսա մի անգամ, որ գոնե դուք կամ ձեր նման մտածող մարդիկ Վարդաշենի վթարային շենքի մասին խոսեք: 7 ամիս է, ասում ենք՝ փլվում է մարդկանց գլխին, չլսեցի ձեր մոտից գոնե գնաք այցելեք այդ մարդկանց: Մաարդիկ իրենց կյանքն են վտանգում, մի անգամ չգնացիք կանգնեք երեւանցիների կողքին կանգնեք: Բայց հիմա 40 րոպե խոսում եք կենդանաբանական այգու մասին: Որքան կարելի է չարաշահեք բոլորիս համբերությունը: կասե/ք, թե երբ եք այսպես մտածել երեւանցիների մասին, ինչպես կենդանաբանական այգու մասին, որն իր բնականոն հունով աշխատում է: 

Ե՞րբ եք զբաղվելու երեւանցիների խնդրով, խաբել եք մի ամբողջ ժողովրդի»,-հայտարարեց ԲՀԿ-ականը:

Ի պատասխան Անտոնյանն ասաց. «Առնվազն ինձ հետ նման տոնով ու նման ձեւակերպումով չպետք է խոսեիք, լինելով ցանկացած խնդրի կիսատեկում»: