Գազ չի լինելու այս հասցեներում

Պլանային աշխատանքներ («Վայք-Եղեգնաձոր» Dպ 300 մայրուղային գազատարի կապիտալ նորոգում) իրականացնելու նպատակով` հունիսի 25-ին ժամը 09:00-ից մինչև հունիսի 26-ը ժամը 21:00-ն, կդադարեցվի Վայոց Ձորի մարզի Վայք, Եղեգնաձոր քաղաքների, Զառիթափ, Ազատեկ, Փոռ, Արին, Ագարակաձոր, Գետափ, Գլաձոր, Վերնաշեն, Մալիշկա, Հերհեր բնակավայրերի, «Գլաձոր ՄԳՀ», «Վահգալ», «Մելինե-Էմիլիա», «Թամսար», «Գոգիգաս», «Ս․Ավետյան և ընկերներ», «Վայք գազ», «Ռոբեն ԵԳ» ՍՊԸ-ների ԱԳԼՃԿ-ների, նշված բնակավայրերում գործող տարբեր նշանակության հանրային կազմակերպությունների գազամատակարարումը։

Տեխնիկական անհրաժեշտությունից ելնելով՝ հունիսի 26-ին նախատեսված պլանային աշխատանքները տեղափոխվել են և կիրականացվեն հուլիսի 4-ին, ինչի պատճառով ժամը 10:00-ից մինչև ժամը 18:00-ն կդադարեցվի Կոտայքի մարզի Հրազդան քաղաքի Միկրոշրջան թաղամասի գազասպառողների գազամատակարարումը։

Պլանային աշխատանքներ իրականացնելու նպատակով` հունիսի 26-ին ժամը 09:00-ից մինչև ժամը 18:00-ն, կդադարեցվի Վայոց Ձորի մարզի Ջերմուկ քաղաքի Ձախափնյակ թաղամասի 24, 26ա, 26բ, 11, 8, 5, 7, 10, 4, 3, 2, 27ա, 27բ բազմաբնակարան շենքերի գազասպառողների գազամատակարարումը։

Պլանային աշխատանքներ իրականացնելու նպատակով՝ հունիսի 27-ին ժամը 10:00-ից մինչև ժամը 15:00-ն, կդադարեցվի Երևան քաղաքի Շենգավիթ վարչական շրջանի Իսակովի պողոտայի առանձնատների գազասպառողների և հարակից տարբեր նշանակության հանրային կազմակերպությունների գազամատակարարումը։