Բեյրութի կենտրոնում անկարգություններ են սկսվել. ցուցարարները ներխուժել են 2 նախարարության շենք. Տեսանյութ

Միջազգային Ipress 2020-08-08 20:46:00 288

Բեյրութի կենտրոնում՝ Լիբանանի խորհրդարանի շենքի դիմաց, ցուցարարների ու ոստիկանների միջև բախում է տեղի ունեցել։ Տեղեկությունը հայտնում է ՌԻԱ Նովոստին։

Ցուցարարները ներխուժել են Լիբանանի արտաքին գործերի և էկոնոմիկայի նախարարության շենքեր, որոնք գտնվում են մայրաքաղաք Բեյրութում:

Այս մասին հայտնում է «ՌԻԱ Նովոստի»-ն:

Հակաիշխանական հանրահավաքը զանգվածային անկարգության է վերածվել։

Նշենք, որ ցուցարարները պահանջում են կառավարության հրաժարականը։

Ոստիկանները արցունքաբեր գազ են կիրառել ու փորձել են մարդկանց հեռու պահել խորհրդարանի շենքից։ Հանրահավաքի մասնակիցները քարեր են նետել նրանց վրա։

Կարմիր խաչի և քաղպաշտպանության մեքենաներն աշխատում են բախումների վայրում:

Տեղեկություններ կան, որ անկարգությունների պատճառով ավելի քան 100 մարդ է տուժել։

Տեգեր : Բեյրութ