Այսօր՝ մարտի 14-ին, արտակարգ դեպք է տեղի ունեցել Երևանում: Ժամը 12:10-ի սահմաններում ՀՀ Ներքին գործերի նախարարության Փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Կասյան փողոցի թիվ 3-րդ շենքի 4-րդ հարկի բնակարաններից մեկում, որտեղից ծուխ է նկատվում:
Պարեկների այքան շատ ժամանման պատճառը նրանում է, քանի որ հետաքրքրասեր վարորդները կայանում էին ավտոմեքենաները և ստեղծում էին արհեստական խցանում, սակայն պարեկների ժամանելուց կարճ ժամանակ անց երթևեկությունը կարգավորվեց:
Ըստ նախնական տեղեկությունների՝ հրդեհի հետևանքով բարեբախտաբար տուժածներ չկան, սակայն դեպքի վայրում հավաքված քաղաքացիները SHAMSHYAN.com-ի թղթակցին ասում էին, որ օպերատիվ են գործել նաև շտապօգնության բժիշկների հերթապահ խումբը, ովքեր մի երեխայի օգնություն են ցուցաբերել, ում կյանքին վտանգ չի սպառնում:
Թե ինչն է եղել բնակարանում առաջացած հրդեհի պատճառը, պարզվում է: