Այսօր՝ մարտի 7-ին, արտակարգ դեպք է տեղի ունեցել Գեղարքունիքի մարզում: Ժամը 18:15-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Սևան քաղաքի կենտրոնական հրապարակում՝ եկեղեցու հարևանությամբ, մարդատար ավտոբուս է այրվում:
Տարածքը սահմանազատել են պարեկներն ու ոստիկանները, և դեպքի վայրից տարհանել մի քանի ավտոմեքենաներ:
Հրշեջները նախ կանխել են «PАЗ 3206» մակնիշի ավտոբուսում առաջացած հրդեհը, ապա մարել այն:
Ըստ նախնական տեղեկությունների՝ հրդեհի հետևանքով 1 հոգի բժշկական օգնություն ստանալու նպատակով դիմել է «Սևան» բժշկական կենտրոն:
Դեպքի վայր են ժամանել նշված բժշկական կենտրոնի շտապօգնության բժիշկների հերթապահ խումբը:
Ոստիկաններն ու պարեկները պարզել են, որ վարորդը եղել է Գեղարքունիքի մարզի բնակիչ Ցոլակ Օ.-ն:
Թե ինչն է եղել ամբողջությամբ մոխրակույտի վերածված ավտոբուսի առաջացած կրակը, պարզվում է:
Դեպքի փաստով ոստիկանության Սևանի բաժնում փաստաթղթեր են ձևակերպվում, և հնարավոր է՝ այն փոխանցվի Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժին: