Այսօր՝ փետրվարի 8-ին, հրդեհ է տեղի ունեցել Կոտայքի մարզում։
Ժամը 20։25-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհի 16 կմ հատվածում ավտոմեքենա է այրվում։
Մինչ հրշեջների ժամանումը՝ Mercedes մակնիշի ավտոմեքենայում առաջացած կրակի դեմ պայքարել են վարորդը, ապա ժամանած հրշեջները մարել են այն։
Ավտոմեքենան դարձել է ոչ շահագործելի։
Պարեկները սահմանազատել են տարածքը, որպեսզի հետաքրքրասեր վարորդները ավտոմեքենաները չկայանեն և խցանում տեղի չունենա։
Ըստ նախնական տեղեկությունների, բարեբախտաբար, տուժածներ չկան և ավտոմեքենայում կրակը առաջացել է ընթացքի ժամանակ։