Արտակարգ դեպք՝ Արարատ քաղաքում. Մեքենան վերածվել է մոխրակույտի

Երեկ՝ հունիսի 1-ին, արտակարգ դեպք է տեղի ունեցել Արարատի մարզում։ Ժամը 23:45-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Արարատ քաղաքի Գրիբոյեդովի փողոցում գործող գազալցակայանի հարևանությամբ ավտոմեքենա է այրվում։

Մինչ հրշեջների ժամանումը՝ Արարատի մարզի բնակիչ 41-ամյա Օքսեն Գ.-ին պատկանող «Opel» մակնիշի ավտոմեքենայում առաջացած կրակի դեմ պայքարել են քաղաքացիները և գազալցակայանի աշխատակիցները, ապա ժամանած հրշեջները մարել են այն, սակայն ավտոմեքենան ամբողջությամբ վերածվել է մոխրակույտի։

Ըստ նախնական տեղեկությունների՝ հրդեհի հետևանքով բարեբախտաբար տուժածներ չկան։

Դեպքի փաստով ոստիկանության Արարատի բաժնում փաստաթղթեր են ձևակերպվում։