«Հրապարակ»-ի տեղեկություններով՝ Արմավիրի մարզպետ Էդվարդ Հովհաննիսյանի պաշտոնանկությունից հետո Արմավիրի մարզետարանի որոշ աշխատակիցներ ազատման դիմումներ են գրում։
Ազատման դիմումներ են գրել Հովհաննիսյանի օգնական Աննա Միքայելյանը, խորհրդականներ Սաթենիկ Թովմասյանը, Ֆելիքս Պողոսյանը։ Նման ցանկություն ունի նաև մարզպետի տեղակալ Առնակ Ավետիսյանը։
Արմավիրի մարզպետի խորհրդական Սաթենիկ Թովմասյանը հաստատել է տեղեկությունը։
Թովմասյանի խոսքով՝ աշխատակազմից շատերն են Էդվարդ Հովհաննիսյանի պաշտոնանկությունը ծանր տարել։ «Աշխատակազմը շատ նեղված է»,- ասել է նա։
English
Русский
