Արծրուն Հովհաննիսյանը միացել է Աննա Հակոբյանի «Կրթվելը նորաձև է» նախաձեռնությանը

Հայաստանի Պաշտպանության նախարարության նախկին ներկայացուցիչ Արծրուն Հովհաննիսյանը միացել է Աննա Հակոբյանի՝ «Կրթվելը նորաձև է» նախաձեռնությանը։ Այս մասին նա գրառում է կատարել իր ֆեյսբուքյան էջում։

«Ես՝ Արծրուն Հովհաննիսյանս, որպես զինվորական և պատմաբան, խորապես գիտակցում եմ կրթության անգնահատելի դերը մեր հասարակության զարգացման և առաջընթացի գործում։

Այս համոզմունքով լիարժեք աջակցում եմ ՀՀ առաջին տիկին Աննա Հակոբյանի նախաձեռնությանը՝ 2025 թվականը հայտարարել Կրթության տարի։

Սա կլինի կարևոր քայլ՝ հիմք դնելու գիտակից, հզոր և պաշտպանված պետության կերտմանը:

Միասին կարող ենք կառուցել այն Հայաստանը, որտեղ կրթությունը կդառնա ամենամեծ ուժը, իսկ գիտելիքը՝ անպարտելի զենքը։

#ԿրթվելըՆորձեւԷ #ՀզորՊետությունԿրթությամբ»,- գրել է նա։

Հատկանշական է, որ Աննա Հակոբյանն իր ֆեյսբուքյան էջում կիսվել է Հովհաննիսյանի գրառմամբ։