Արագածոտնի մարզում մեքենան բախվել է գազատար խողովակներին, կոտրել դրանք ու գլխիվայր շրջվել

Երեկ՝ սեպտեմբերի 15-ին, խոշոր ավտովթար է տեղի ունեցել Արագածոտնի մարզում: Ժամը 14:00-ի սահմաններում Արագածոտնի մարզի բնակիչ 30-ամյա Գուրգեն Ե.-ն իր վարած «ԳԱԶ 2410» մակնիշի ավտոմեքենայով Հարթավան-Երնջատափ ավտճանապարհին դուրս է եկել երթևեկելի գոտուց, բախվել գազատար խողովակին և գլխիվայր շրջվել:

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը մարմնական վնասվածքներով տեղափոխվել է «Ապարան» բժշկական կենտրոն:

Վիրավորին առաջինը օգնության են հասել քաղաքացիները և օպերատիվորեն ժամանած Ապարանի հրշեջ-փրկարարական ջոկատի փրկարարները, ովքեր օգտագործել են հատուկ տեխնիկա՝ վիրավորին ավտոմեքենայից դուրս բերելու համար:

Օպերատիվ է գործել նաև«Ապարան» բժշկական կենտրոնի շտապօգնության բժիշկների հերթապահ խումբը, ովքեր վիրավորին մինչև հիվանդանոց տեղափոխելը տեղում առաջին բուժօգնություն են ցուցաբերել: