Ավտովթար է տեղի ունեցել Երևանում

Այսօր՝ հունիսի 26-ին, ավտովթար է տեղի ունեցել Երևանում։

Ժամը 19։30-ի սահմաններում «Mercedes» մակնիշի ավտոմեքենան Իսակովի պողոտայում՝ ոստիկանության կրթահամալիրի դիմաց, դեռևս անհայտ հանգամանքներում բախվել է բաժանարար գոտում տեղադրված բետոնե արգելապատնեշին, ապա առաջ ընթացել, բախվել գովազդային երկաթե վահանակի սյանն ու մասամբ հայտնվել ճանապարհի մեջտեղում։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի, ում առաջինը օգնության են հասել քաղաքացիներն ու օպերատիվորեն ժամանած ՀՀ Ներքին գործերի նախարարության փրկարար ծառայության Երևանի թիվ 1-ին և 5-րդ հրշեջ-փրկարարական ջոկատների փրկարարներն ու Երևանի 1-03 շտապօգնության բժիշկների հերթապահ խումբը, տեղում առաջին բուժօգնություն է ստացել, սակայն հրաժարվել է հիվանդանոց մեկնելուց։

Վարորդը տեղում ենթարկվել է սթափության փորձաքննության, եղել է սթափ։

Վթարի փաստով ՊԾ Երևան քաղաքի գնդի 3-րդ գումարտակում փաստաթղթեր են ձևակերպվում։