Ավտովթար է տեղի ունեցել Արագածոտնի մարզում

Այսօր՝ հունիսի 25-ին խոշոր ավտովթար է տեղի ունեցել Արագածոտնի մարզում: Ժամը 11:40-ի սահմաններում Երևան-Վանաձոր ավտոճանապարհի Աշտարակ քաղաքի Մուղնի թաղամասի տարածքում բախվել են «Mercedes» և «Opel Zafira» մակնիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքնեորվ տեղափոխվել է «Աշտարակ» բժշկական կենտրոն:

Վարորդներին և վիրավորին առաջինը օգնության են հասել քաղաքացինեը, օպերատիվորեն ժամանած «Աշտարակ» բժշկական կենտրոնի շտապօգնության բժիշկների հերթապահ խումբը, և ՊԾ Արագածոտնի մարզի գումարտակի պարեկները:

Հրշեջ-փրկարարները հոսանքազրկել են ավտոմեքենաները, փակել գազաբալոնն ու տեղում իրականացրել հերթապահություն:

Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վարորդների և վիրավորի ինքնությունը: