Աննա Հակոբյանը լուսանկարներ է հրապարակել Այգեպար եւ Ներքին Կարմիրաղբյուր գյուղերից. լուսանկարներ

ՀՀ վարչապետի տիկին Աննա Հակոբյանը տեղեկացրել է, որ այցելել էր Տավուշի մարզի սահմանամերձ գյուղեր։

Վերջինս նաև կիսվել է իր այցից տպավորություններով՝ գրելով․

«Լուսանկարներ եւ փոքրիկ պատմություններ Այգեպար եւ Ներքին Կարմիրաղբյուր գյուղերից:

Ներքին Կարմիրաղբյուրում եմ, Տիկին Սվետայի տանը: Սուրճ եմ եփում:

Ոչ միայն եփեցի, այլեւ` մատուցեցի, լուսանկարին կից գրել է ՀՀ առաջին տիկինը։

Բերդի բնակիչ այս երեխաները դժգոհում էին, որ ընկերները չեն իջնում բակ` խաղալու:

Տիկին Սվետան բանաստեղծություններ է գրում: Հաճույքով ընթերցեցի մի քանիսը:

Այգեպարի մանկապարտեզի շենքն է. տանիքի վրա արկ է ընկել:

Տիկին Լիդան է, Այգեպարից, ում տանը գիշերել էինք 2015 թվականի սահմանային լարվածության օրերին: Մանրամասները, թերեւս, արդեն բոլորը գիտեն:

Բերդում բնակվող այս կանայք սրտնեղած էին մի քիչ: Առհասարակ, բոլոր այն բոլոր բնակավայրերում, որ եղա, մարդիկ հոգնած էին այցելուներից: Մի կողմից գնահատում էին ուշադրությունը, մյուս կողմից նյարդային էին անընդհատ այցելուների, ֆոտո եւ տեսախցիկների պատճառով:

Այգեպարցի ընտանիք՝ չքնաղ երեխաներով:

Ներքին Կարմիրաղբյուր գյուղում բազմանդամ մի ընտանիք, որտեղ տատիկը բոլորի հոգսը իր վրա էր վերցրել` տեսնես ընտանիքի մի քանի անդամները ինչպես տեղավորվեցին հարեւան գյուղի բարեկամների տանը, հաց կերան, թե ոչ, երիտասարդ հղի հարսը ինչպես է զգում եւ բազմաթիվ այլ խնդիրներ: Այս ճստիկը հատուկ այսպես դիրքավորվել էր լուսանկարվելու համար:

Պարզվեց` Գեւորգի մայրիկը երեկ դուստր է լույս աշխարհ բերել: Շնորհավո~ր: Սահմանամերձ բոլոր բնակավայրերում ապրող մարդիկ` ամենափոքրից մինչեւ ամենամեծ, մի ցանկություն ունեն միայն` Խաղաղություն: Հարցին, թե ինչի կարիք ունեք, նրանք բոլորը մեկ պատասխան են տալիս` թող միայն խաղաղություն լինի մնացած ամեն ինչը մենք կստեղծեն: