Աննա Հակոբյանը սովորում է` ինչ դառնա, «պրեզիդենտ»․ Հարցում

Վարչապետի կին Աննա Հակոբյանը հայտնել է, որ սկսել է TOEFL (Test of English as a Foreign Language) պարապել, որպեսզի դիմի Մագիստրոսական ուսումնական ծրագրի մասնակցելու համար։

«TOEFL-ն իհարկե կարևոր պայման է, բայց միայն սկզբի համար։ Մագիստրոսի աստիճան ստանալու համար դեռ պետք է քննություն հանձնել, ընդունվել և ապա երկու տարի սովորել՝ ավելի ճիշտ ամեն ինչի հետ միասին նաև սովորել։ Մեծ մարտահրավեր է։ Բայց ես այն հաճույքով ընդունում եմ, որովհետև կրթվելը նորաձև է 2025 թվականը հայտարարում ենք կրթվելու տարի»,- գրել է նա:

Oragir.News-ն այսօր շրջել է Երևանի փողոցներում և քաղաքացիներին հարց ուղղել․ «Ձեր կարծիքով՝ ի՞նչ մասնագիտություն է սովորելու Աննա Հակոբյանը»։

Հարցվածների մի մասը նշեց, որ դա արհեստական բնույթ է կրում, և գուցե որևէ պաշտոնի համար դիպլոմ է պետք։ Եղան քաղաքացիներ, ովքեր դրական արձագանքեցին՝ նշելով, որ երբեք ուշ չէ սովորելու համար։

«Թող ընդունվի, մակարդակն ավելի բարձրացնի»,- ասաց մի տղամարդ։

Մի կին էլ նշեց, որ իրեն չի հետաքրքրում։

«Իմ համար մեկ ա»,- ասաց նա։

Մեկ այլ կին էլ վրդովված պատասխանեց․ «Գրողի ծոցը ընդունվի»։

Անցորդներից մեկն էլ նշեց, որ վատ չի վերաբերվում վարչապետի կնոջ սովորել ցանկանալուն։

«Եթե մարդ ուզում ա սովորի, վատ չի, վատ չեմ տրամադրված»,- ասաց նա։

Մի տարեց քաղաքացի էլ նշեց, որ Աննա Հակոբյանը ոչ մի մասնագիտություն չի ուզում սովորել։

«Ձևի համար ա ընդունվում, դիպլոմ ունենանալու»,- ասաց նա։

Մեկ այլ տղամարդ էլ կարծիք հայտնեց, որ Աննա Հակոբյանն ուզում է պետական պաշտոնյա դառնալ։

«Երևի սոցիոլոգիական բաժին։ Ուզում ա պետական պաշտոնյա դառնա։ Երևի ամուսնուն ա ուզում փոխարինի»,- նշեց նա։

Անցորդներից մեկն էլ պատասխանեց․ «Բացարձակ դա մեզ չի հետաքրքրում,Աննա Հակոբյանն էլ, մյուսներն էլ»։

Քաղաքացիներից մեկն էլ նշեց, որ դա ձևական բնույթ է կրում․ «Սովորում է, ի՞նչ դառնա պրեզիդե՞նտ։ Դիպլոմ են վերցնում, ոչ թե սովորում»։

Մանրամասները՝ տեսանյութում։