Ալիևն ո՞վ է. Լավրովի ակնարկը Բաքվում

Ալիևն ո՞վ է. Լավրովի ակնարկը Բաքվում

Քաղաքական Ipress 2022-06-26 00:42:00 1071
Հետևեք մեզ՝ Telegram-ում
lavrov_P991S.jpg

ՌԴ արտգործնախարար Լավրովը Բաքվում իր գործընկեր Բայրամովի հետ հանդիպումից հետո հայտարարել է, որ Մինսկի խմբի համանախագահությունը գործունեությունը դադարեցրել է ԱՄՆ ու Ֆրանսիայի պատճառով: Լավրովը դեռ ապրիլի սկզբին հայտարարել էր, որ Վաշինգոնն ու Փարիզն Ուկրաինայի պատերազմի պատճառով հրաժարվում են համանախագահության ձևաչափում Մոսկվայի հետ աշխատանքից: լավրովի այդ հայտարարությունից հետո գրեթե եռամսյա լռություն էր, որին հաջորդեց օրերս Երևանում ԱՄՆ պետքատուղարի Եվրոպայի ու Եվրասիայի հարցերի օգնական Կարեն Դոնֆրիդի հայտարարությունը, թե ԱՄՆ պատրաստ է աշխատել համանախագահության ձևաչափով, այդ թվում Ռուսաստանի հետ գործակցված: Մոսկվան սակայն արձագանքում է փաստացի մերժումով, ինչը սակայն միարժեք գնահատելի իրավիճակ չէ:

Ընդունելով Վաշինգտոնի ակնարկը, Ռուսաստանը թերևս փորձում է դրա շուրջ կառուցել քաղաքական սակարկություն և սահմանել բարձր գին, օրինակ այն, որ համանախագահության ձևաչափով ամրագրվի Ռուսաստանի հատուկ դերը՝ կովկասյան իրավիճակը կառավարելու հարցում: Վաշինգտոնը կհամաձայնի՞ դրան, թե ոչ, սա մյուս հարցն է, սակայն Կարեն Դոնֆրիդի հայտարարությանը «անհամաձայնությամբ» պատասխանելով, Մոսկվան առնվազն փորձում է ձևավորել սակարկության դաշտը, այդ թվում իհարկե օգտագործելով նաև Բաքու այցը: Այդ իմաստով, Բաքվում ՌԴ արտգործնախարարը հնչեցրել է հայտարարությունը, որ նույնպես շատ ուշագրավ է թեմայի համատեքստում:

Հարցին, թե արդյո՞ք Մոսկվան համաձայն է Մինսկի խմբի գործունեության ավարտի մասին Ալիևի հայտարարությանը, Լավրովը պատասխանել է.  «Մենք սկզբունքորեն չենք քննարկել Մինսկի խումբը որպես այդպիսին, քանի որ այն դադարեցրել է իր գործունեությունը ամերիկացի և ֆրանսիացի մասնակիցների նախաձեռնությամբ, բայց, իհարկե, քննարկել ենք հետկոնֆլիկտային կարգավորման գործընթացները, որոնց հիմքում են Ռուսաստանի, Ադրբեջանի և Հայաստանի ղեկավարների երեք եռակողմ հայտարարությունները»: Լավրովը փաստացի ակնարկում է հետևյալը՝ Ալիևը շատ փոքր է, որպեսզի Մոսկվան Մինսկի խմբի համանախագահության ձևաչափի հարցը քննարկի Ալիևի հետ: Ռուսաստանն այդ հարցը դիտարկում է Վաշինգտոն-Մոսկվա քննարկման տիրույթում, հարցն այդ տրամաչափի է: Մինսկի խմբի համանախագահության ձևաչափը աշխարհաքաղաքական նշանակության ձևաչափ է, այլ ոչ թե լոկ արցախյան կոնֆլիկտի կարգավորման կամ կառավարման մեխանիզմ:

Ձևաչափը, որ աչքի է ընկնում իր բացառիկությամբ, գործնականում ստեղծվել է արցախյան հարցի առիթով, սակայն՝ հետխորհրդային աշխարհակարգից բխող ավելի լայն պատճառներով: Հետևաբար, հենց այդ ավելի լայն մասշտաբում էլ կորոշվի համանախագահության ճակատագիրը, ինչի համար էլ թե Մոսկվան, թե Վաշինգտոնը չեն շտապում հայտարարել այդ ձևաչափի աննդառնալի կորստի մասին: Իսկ Ադրբեջանի նախագահը, որ այժմ փորձում է օգտվել Վաշինգտոն-Մոսկվա կոնֆլիկտից, հարկադրված է լինելու ենթարկվել այդ տիրույթում որևէ նոր համաձայնության, ինչպես 2021 թվականի սեպտեմբերին և նոյեմբերին, երբ 44-օրյա պատերազմից հետո համանախագահներին՝ «Ձեզ ոչ ոք չի հրավիրել այստեղ» ասող Ալիևը ստիպված էր իր արտգործնախարարին գործուղել Նյու Յորք և Փարիզ՝ համանախագահության ձևաչափի ներքո Հայաստանի արտգործնախարարի հետ հանդիպումների համար:

Поделиться
Класс
Send
dasaran_UG-sd.jpg

Վրաստանում ուսումնական տարին սեպտեմբերի 1-ին չի մեկնարկի

rubli_cPPxi.jpg

Ռուբլին կտրուկ էժանացել է. ԿԲ նոր փոխարժեքները

zzinvoi-di_qx20V.jpg

Հայտնի է՝ ով է այսօր մահացած Արշալույս Հովհաննիսյանը․ Մանրամասներ

pasinyan_fouVC.jpg

«Անկեղծ ասած, ես շատ գոհ եմ». Փաշինյան

vraert_qQ991.jpg

Օրերս դաժան վրաերթից մահացած աղջկա ամուսնու հուզիչ գրառումը՝ կնոջ և 8 ամսական տղայի վերաբերյալ

verelak_7HfDC.jpg

Հրդեհ Երևանում՝ վերելակի հորանում, կան տուժածներ. բնակիչները տարհանվում են

zoh-zinvor_PJ-J-.jpg

Թշնամու կրակոցից զինվոր է վիրավորվել․ Հայտնի է ինքնությունը

1a72d91e-59be-47c2-9833-8e407aefc837_cfrMp.jpeg

Ողբերգական դեպք. Ավտոբուսի վթարի հետևանքով 12 մարդ է զոհվել

a28d7a13-59be-42b3-9677-209c810a9b4e_6qo-a.jpeg

Թշնամին կրկին խախտել է հրադադարի ռեժիմը՝ գնդակոծելով մեր դիրքերը. ՊԲ-ն մանրամասնում է

08c1a966-3c89-4900-a169-905c10096474__aqsr.jpeg

Տեղեկացեք. 35 ժամ գազ չի լինելու

5059094e-c2cb-485a-ad0e-36304b38811e_xpzYY.jpeg

Ինքնաթիռ է կործանվել․ կան զոհեր

paytyun_18vmo.jpg

Պայթյուն և փլուզում․ բժիշկները պայքարում են 22-ամյա 2 տղաների կյանքի համար