Նոր մանրամասներ՝ Եռաբլուրում նկարահանված տեսանյութի մասին

Վերջին ժամերին համացանցում ակտիվորեն մի տեսանյութ է տարածվում, որի հեղինակ կինը կարծես թե ծաղրում է Եռաբլուրը և այնտեղ հանգչող զինվորների մասին քամահրանքով խոսում։ Ըստ համացանցի օգտատերերի՝ կինը ադրբեջանցի կամ թուրք է։ Դատելով նրա խոսքից՝ Հայաստան է եկել ընկերների մոտ։

«Իսկ ո՞վ ինձ չէր հավատում։ Իսկ ո՞վ է այստեղ, ո՞վ է սա», - տեսանյութում ասում է նա։

«Auroranews»-ը հասկանալու համար, թե իրականում Եռաբլուրում ի՞նչ է կատարվել՝ կապ է հաստատել ՊՆ մամուլի խոսնակ Արամ Թորոսյանի հետ։

«Եռաբլուրի տեսաձայնագրությունները վերծանվում են, իսկ հրապարակված տեսանյութը՝ ուսումնասիրվում»,- նշել է ՊՆ խոսնակը։

Քիչ առաջ «Auroranews»-ի հոտ կապ հաստատեց տեսանյութի հեղինակը և նշեց, որ ինքն օրեր առաջ է ժամանել Հայաստան ու առաջին տեղը, որ գնացել է՝ Եռաբլուր զինվորական պանթեոնն է եղել։ 

Կինը պատմեց նաև, որ արդեն մոտ 3 տարի է համացանցային տիրույթում պայքարում է ադրբեջանցիների դեմ, նրանք էլ թշնամամքով լցված՝ վերցրել են իր այն տեսանյութը, որը նկարահաված է եղել Եռաբլուրում, օգտագործել իր նախորդ տեսանյութերի ձայները, որպեսզի տեսանյութը կասկածի տեղիք չտա, կեղծել այն և սկսել տարածել։ 

Ավելի ուշ մեզ հետ կապվեց նաև ՊՆ մամուլի խոսնակ Արամ Թորոսյանը և նշեց, որ տեսանյութը ստուգել են և այն իսկապես մոնտաժված է։ 

Ներկայացնում ենք տեսակադրերի, իրական և չմոնտաժված տարբերակը: