English
Русский
«Իմ քայլը» խմբակցության պատգամավոր Կարեն Համբարձումյանը ֆեյսբուքյան իր էջում հրապարակել է հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից զոհված կրտսեր սերժանտ Գրիշա Վահանի Մաթևոսյանի լուսանկարը:
«Ադրբեջանը պատասխան է տալու թե հայի, թե պատմության առաջ առհասարակ: Ինչպես տեղեկացանք ՊՆ մամուլից, հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից մահացու վիրավորում են ստացել մայոր Գարուշ Վեմիրի Համբարձումյանը, կապիտան Սոս Փայլակի Էլբակյանը, ժամկետային զինծառայողներ, կրտսեր սերժանտ Սմբատ Գևորգի Գաբրիելյանը և կրտսեր սերժանտ Գրիշա Վահանի Մաթևոսյանը: Խորհին ցավակցություններս եմ հայտնում զոհված հերոսների ընտանիքներին:
Ադրբեջանը չի մարսելու իր հայատյաց վարքը, Ադրբեջանը պատասխան է տալու թե հայի, թե պատմության առաջ առհասարակ:
Մեր Գրիշը...! Հավերժ փառք բոլորիդ, տղերք!»,- գրել է պատգամավորը:
