«Կորոնավիրուսը սննդի միջոցով չի կարող փոխանցվել մարդկանց»

«Կորոնավիրուսը սննդի միջոցով չի կարող փոխանցվել մարդկանց»

Հասարակական Ipress 2020-03-22 12:52:00 1428
Հետևեք մեզ՝ Telegram-ում
so_0MVh7.jpg

168.am-ը գրում է.

Չնայած ԳԱԱ Էկոկենտրոնի սննդի ռիսկերի գնահատման կենտրոնը` պայմանավորված արտակարգ դրությամբ, գտնվում է հեռավար աշխատանքային ռեժիմում, սակայն կենտրոնի ղեկավար, սննդագիտության դոկտոր Դավիթ Պիպոյանի խոսքով՝ ուշ ժամի, երբ մարդկային կուտակումներ չկան՝ փորձում է շրջայցեր իրականացնել խանութներում՝ ընդհանուր իրավիճակին ծանոթանալու համար։

 

Նա ակտիվ է նաև համացանցում, քանի որ մարդիկ բազմաթիվ հարցեր են հղում, որոնք այս օրերին նրանց անհանգստացնում են։ «Մարդկանց հիմնականում հետաքրքրում է այն հարցը, թե արդյոք սնունդը կարո՞ղ է հանդիսանալ կորոնավիրուսով վարակման պատճառ։ Մենք պետք է առաջնորդվենք պաշտոնական տեղեկատվությամբ. խոսքը վերաբերում է Առողջապահության համաշխարհային կազմակերպության, Եվրոպայի սննդի անվտանգության լիազոր մարմնի, Միացյալ Նահանգների դեղերի և պարենի կազմակերպության պաշտոնական լրահոսին, որտեղ հստակ ասվում է, որ կորոնավիրուսը սննդի միջոցով չի կարող փոխանցվել մարդկանց: Այսինքն՝ սնունդը չի հանդիսանում փոխանցման պատճառ։

Մեկ այլ խնդիր ևս կա, որն անընդհատ անհանգստացնում է սպառողներին՝ արդյո՞ք վարակման պատճառ կարող են հանդիսանալ սննդային մակերևույթները, որի վերաբերյալ ևս կա պաշտոնական տեղեկատվություն, որը տրվում է նաև միջազգային մարմինների կողմից, որ կորոնավիրուսի հիմնական պատճառը եղել է հիվանդ մարդու հետ կոնտակտը։

Հիմա մենք անընդհատ շեշտադրում ենք մակերեսների պատշաճ ախտահանությունը, ինչը վերաբերում է բոլոր դեպքերին, այդ թվում՝ սննդամթերքի հիգիենիային, երբ ասում ենք, որ սննդամթերքը պետք է փակ լինի։ Վիրուսային հիվանդությունների, նաև՝ նոր կորոնավիրուսի տարբերակի համար պետք է լինի ներօրգանիզմ, այսինքն՝ վիրուսը կարող է բազմանալ, եթե ներօրգանիզմը կենսունակ է, և այն օգտագործելով այս օրգանիզմին՝ կարող է բազմանալ։ Երբ կարծիքներ են հնչում, որ տարբեր մակերեսների վրա վիրուսը կարող է այսքան ժամանակ կենսունակ մնալ, ապա սա վերաբերում է կոնկրետ այն դեպքերին, երբ, օրինակ՝ ասում ենք, որ հեռախոսի էկրանի վրա կարող է պահպանվել, եթե այն հիվանդի հետ անմիջապես կոնտակտի մեջ է եղել»,- այս մասին 168.am-ի հետ զրույցում ասաց Դավիթ Պիպոյանը՝ անդրադառնալով սննդային անվտանգության ընդհանուր իրավիճակին։

Վտանգներից խուսափելու համար Դավիթ Պիպոյանը խորհուրդ է տալիս հաճախակի լվանալ ձեռքերը, օգտագործել ախտահանիչներ, ինչը վերաբերում է նաև հեռախոսների մակերևույթներին։ Մնացած դեպքերում, հաշվի առնելով այն հանգամանքը, որ վիրուսը տարածվում է օդակաթիլային ճանապարհով, ապա սննդամթերքը պետք է շարունակի պահպանել ընդհանուր և մասնավոր հիգիենիայի կանոնները, այսինքն՝ ինչպես նախկինում սննդամթերքի արտադրությունը, վերամշակումը և տեղափոխումը պետք է իրականացվեր՝ պատշաճ հիգիենիայի կանոնները պահպանելով, որի մեջ մտնում է նաև անձնակազմի առողջ լրնելը։ Անկախ այն հանգամանքից՝ կորոնավիրուս կա՞, թե՞ ոչ, այն անձինք, որոնք մասնակցում են սննդի կազմակերպման գործընթացին, պետք է առողջ լինեն։

«Ինչ վերաբերում է հացը փաթեթավորված վաճառելուն, եթե եվրոպական ֆորումներն էլ ուսումնասիրեք, ապա մարդկանց ամենաշատն անհանգստացնում է հենց այս խնդիրը, որ հացը գոնե փաթեթավորված լինի։ Սակայն սնունդը չի հանդիսանում վարակի փոխանցման պատճառ, բայց մարդկանց անհանգստացնում է սննդային մակերևույթը։ Աշխարհի զարգացած երկրներում խանութներում վաճառվում է փաթեթավորված հաց, բայց դրա հետ մեկտեղ՝ կա չփաթեթավորված հաց, հացաբուլկեղեն»,- ընդգծեց Դ. Պիպոյանը։

Նա ևս մեկ անգամ շեշտեց՝ բոլոր գործողություններից առաջ և հետո ձեռքերը պետք է ախտահանել, պահպանել մարդկանց հետ շփման հեռավորությունը, ամբողջ աշխարհում այդ հեռավորությունը վերհսկվում է նաև խանութներում դրամարկղերի մոտ։

«Սննդի մասով բոլորը թող հանգիստ լինեն, պահպանեն բոլոր կանոնները, խանութ մտնելիս ցանկալի է՝ օգտագործեն ձեռնոցներ, և ամենակարևորը՝ պահպանել հանգստություն, քանի որ կորոնավիրուսից հետո կյանքը նորից վերականգնվելու է և սովորական հունով ընթանա»,- եզրափակեց Դավիթ Պիպոյանը։

Поделиться
Класс
Send
jranjatum-1_GRUoe.jpg

Երևանում և մարզերում այսօր ջուր չի լինի

zaqar-xojabaghyan_UGHd3.jpg

«Ինչ է իրենից ներկայացնում չարորակ հիպերթերմիան». Զաքար Խոջաբաղյան

zinvory-viravor-e_r5ljr.jpg

Վիրավոր զինվորներից Ռաֆոն Ազատանից է․ Մանրամասներ

anash-hrach-muradyan_wXn9d.jpg

Անաշը լացում ա, Միան անտրամադիրա. Ինչպես է անցել Հրաչ Մուրադյանի դստեր առաջին օրը մանկապարտեզում

kan-viravorner_Eci5R.jpg

Խոշոր ավտովթար՝ Երևանում․ Բժիշկները պայքարում են վիրավորների կյանքի համար

andzrev-kga_ObLDP.jpg

Սպասվում են տեղումներ․ Եղանակը Հայաստանում

rublin-tankacav-5_s4GVx.jpg

Ռուբլին ավելի թանկացավ․ ԿԲ

danakaharutyun_nflhE.jpg

20-ամյա Վլադիմիրը տեղափոխվել է հիվանդանոց․ Ինչ է կատարվել

artakarg-depq-2_ENuNb.jpg

Արտակարգ դեպք․ 33-ամյա կինը դրսևորել է ոչ ադեկվատ վարքագիծ, կոտրել հյուրանոցի գույքը, հարվածել է բժիշկներին, փախել շտապօգնության ավտոմեքենայից

luys-chi-linelu-8_bDaaE.jpg

Երևանում և որոշ մարզերում լույս չի լինելու

astxagushak-8__dHZW.jpg

Աստղագուշակ հուլիսի 12-ի համար

armen-mamyan_S-Nl5.jpg

Տատիկը տորթ էր պատվիրել. Վթարից մահացшծ Արմեն Մամյանը Կոթիից էր