«Խտրականություն այլևս չի լինելու». «Ֆուդ սիթիի» սեփականատերերի հայտարարությունը

Киевская площадь ընկերությունների խմբի, որի կազմում է նաև «Ֆուդ սիթի» շուկան, սեփականատերերը և ղեկավարները հայտարարություն են տարածել՝ նշելով, որ բոլոր հաստատություններում պահպանելու են հավասարության սկզբունքը՝ անկախ աշխատակիցների ազգությունից։

Հայտարարությունը իր Ֆեյսբուքի էջում հրապարակել է Ռուսաստանի հայերի միությունը:

Նշվում է, որ սեփականատերերի համար առաջնային է լինելու աշխատակիցների համար հարմարավետ և անվտանգ պայմանների ստեղծումը:

Շուկայի ղեկավարները վստահեցնում են, որ իրենց գործունեության գլխավոր սկզբունքները ՌԴ օրենսդրության պահպանումն ու սպառողների, գործընկերների և վարձակալների շահերի պաշտպանությունն են:

Նշենք, որ «Ֆուդ սիթի» շուկայի սեփականատերերն ադրբեջանցի ֆերմերներ Գոդ Նիսանովն ու Զարահ Իլիևն են: