«Արդյո՞ք Եվրոպայի վերջին բռնապետի վերջը եկել է». The Guardian-ի անդրադարձը Բելառուսում ընդդիմության ակտիվացմանն ու Լուկաշենկոյին «անկյուն քշելուն»

«Արդյո՞ք Եվրոպայի վերջին բռնապետի վերջը եկել է». The Guardian-ի անդրադարձը Բելառուսում ընդդիմության ակտիվացմանն ու Լուկաշենկոյին «անկյուն քշելուն»

Միջազգային Ipress 2020-08-03 19:03:00 177
Հետևեք մեզ՝ Telegram-ում
bff_nv65z.jpg

Բրիտանական The Guardian պարբերականն անդրադարձել է Բելառուսում տեղի ունեցող ներքաղաքական իրադարձություններին՝ հրապարակելով «Արդյո՞ք Եվրոպայի վերջին բռնապետի վերջը եկել է» վերտառությամբ ծավալուն հոդվածը:



Հեղինակ Էնդրյու Ռոթը նկատում է, որ նախագահ Ալեքսանդր Լուկաշենկոն գտնվում է այնպիսի կոշտ ճնշման տակ, որին նախկինում երբևէ չէր բախվել:

«Անցած շաբաթվա ընթացքում Բելառուսում տեղի են ունեցել զարմանալի իրադարձություններ. ԽՍՀՄ փլուզումից ի վեր ընդդիմության խոշորագույն հանրահավաքը, «իրավիճակի ապակայունացման նպատակով» Բելառուս ուղարկված 33 ռուս վարձկանների ձերբակալությունը, ինչպես նաև Լուկաշենկոյի խոստովանությունն առ այն, որ կորոնավիրուսով է վարակվել»,-գրում է հեղինակը՝ չբացառելով, որ նախագահը, որը երկիրը ղեկավարում է արդեն քառորդ դար, կարող է կրկին հաղթել սպասվող ընտրություններում: Սակայն այս անգամ Լուկաշենկոն, ըստ Ռոթի, շատ դժվար իրավճակում է, քանի որ Ռուսաստանի հետ հարաբերությունների բարդացման ֆոնին զուգահեռ բախվել է նաև ընդդիմության աննախադեպ ակտիվացմանը:

«Լուկաշենկոն առաջին անգամ կռիվ է տանում երեք ճակատով և չգիտի՝ ինչպես վարվել: Նույնիսկ ընտրություններում հաղթելուց հետո էլ այդ ամենը չի ավարտվի. Լուկաշենկոն ստիպված կլինի պայքար մղել նախագահական հինգերորդ ժամկետի ամբողջ ընթացքում»,-մեջբերում է պարբերականը քաղաքագետ Ալեքսանդր Ֆեդուտայի կարծիքը:

Հեղինակը նկատում է, որ «անկյուն քշված» Լուկաշենկոն ընդդիմությանը փորձում է հասկացնել, որ ընտրությունների արդյունքները վիճարկելուց առաջ պետք է մի լավ մտածել: Սակայն վախեցման սովորական մարտավարությունն այս պարագայում այդքան էլ արդյունավետ չեղավ և չհանգեցրեց ընդդիմության հանրահավաքների մասնակիցների թվի կրճատմանը: Ռոթն ուշագրավ է համարում այն հանգամանքը, որ այդ հանրահավաքները մարդաշատ են եղել նույնիսկ այն քաղաքներում, որտեղ Լուկաշենկոն մեծ աջակցություն է վայելում ժողովրդի շրջանում: 

Հատկանշական է, որ Բելառուսի պետական հեռուստատեսության պատվերով անցկացված սոցհարցման արդյունքները վկայում են, որ Լուկաշենկոն կհավաքի ձայների 72,3%-ը: Ընդդիմադիրները համոզված են, որ երկրորդ փուլ է անցկացվելու:

Ֆեդուտայի համոզմամբ՝ Լուկաշենկոն փորձում է բելառուսներին վախեցնել, որպեսզի նրանք չընդդիմանան, սակայն դա հակառակ արդյունքն է տալիս:

«Հիմա նա բոլորին փորձում է համոզել, որ կրակ կբացի: Եթե կրակ չբացի, կնշանակի, որ նա թույլ է: Բայց եթե կրակոցներ հնչեն, դրանք կազդարարեն Լուկաշենկոյի քաղաքական մահը»,-նշել է քաղաքագետը:

Այնուհետև հոդվածագիրը նշում է, որ հաջորդ շաբաթ, ամենայն հավանականությամբ, Բելառուսում ընտրությունների արդյունքներն անվավեր ճանաչելու կոչերով բողոքի ակցիաներ կկայանան: Ընդդիմադիր թեկնածուները նշել են, որ անպայման կմիանան ակցիաներին: Հայտնի է, որ ընդդիմության հանրահավաքներն աննախադեպ մասշտաբների են հասնում: Դրանցից ամենախոշորին մասնակցել է 63 հազար մարդ:

Հիշեցնենք, որ Բելառուսում նախագահական ընտրություններ են սպասվում օգոստոսի 9-ին, մասնակցում է 5 թեկնածու՝ այդ թվում գործող նախագահ Լուկաշենկոն:

Поделиться
Класс
Send
gagik-surenyan_aSFv4.jpg

Ինչպիսի եղանակ կլինի առաջիկա օրերին

crocus-city-hall_uribW.jpg

Հայտնի է դարձել Crocus-ում տեղի ունեցած ահաբեկչությունից հետո համերգների վերադարձված տոմսերի թիվը

jur-chi-linelu-1_v0Lgk.jpg

Ջուր չի լինելու մի քանի ժամ

nairit-gorcaran_7jyRF.jpg

«Նաիրիտը» որոշել են հողին հավասարեցնել, հողը ռեկուլտիվացիայի ենթարկել

shxtayakan-vtar_rqznh.jpg

Շղթայական ավտոմեքենաների ջարդ Երևանում․ Հեղինակը եղել է ամենաբարձր աստիճանի խմած

jur-chi-linelu_G9Lzq.jpg

Կառավարության որոշումը՝ ջրի սակագնի վերաբերյալ

artash-asatryan_Ikb6T.jpg

Արտաշ Ասատրյանը՝ իր մահվան լուրերի մասին

dolar-rubli_W6Ax0.jpg

Կենտրոնական բանկը նոր փոխարժեքներ է սահմանել

luys-chi-lini_-eQnA.jpg

Այսօր այս հասցեներում լույս չի լինելու

zigzag_Htssv.jpg

ԱՐՏԱԿԱՐԳ․ Երևանում թալանել են հայտնի «Զիգզագ» խանութը

voghbergakan-tor_d-gHr.jpg

Ողբերգական դեպք՝ Արագածոտնի մարզում․ 63-ամյա տղամարդուն հայտնաբերել են մահացած

img3015_zgA4S.jpeg

Ադրբեջանի հավաքականը հրաժարվել է գալ Երևան