Վանաձոր քաղաքից անհետացած, Երեւանում բռնության ենթարկված ու մահացած աղջկա դեպքով կան ձերբակալվածներ. ովքեր են նրանք

Վանաձոր քաղաքից անհետացած, Երեւանում բռնության ենթարկված ու մահացած աղջկա դեպքով կան ձերբակալվածներ. ովքեր են նրանք.

ArmLur.am-ին հայտնի է դարձել, որ Երեւանում անչափահաս աղջկան բռնության ենթարկելու դեպքով կան ձերբակալվածներ։

Նրանցից մեկը 2005 թվականին ծնված, իսկ մյուսը 2001 թվականին ծնված երիտասարդներ են ու նշված բնակարանում են եղել անչափահաս աղջիկների հետ։

Shamshyan.com-ը ավելի վաղ հայտնել էր, որ դեկտեմբերի 20-ին ՀՀ Ներքին գործերի նախարարության ոստիկանության համայնքային ոստիկանության գլխավոր վարչության մարզերից մեկի ոստիկանության բաժիններից մեկում հայտարարություն է տալիս նույն մարզի բնակիչ մի կին, ով հայտնում է, որ իր 15-ամյա աղջիկը իր 13-ամյա ընկերուհու հետ, ովքեր սովորում են մարզի դպրոցներից մեկում, տանից դուրս են եկել դպրոց գնալու և նրանց գտնվելու վայրի մասին այլևս տեղեկություններ չունեն։

Նույն օրը նշված բաժնում որոնողական աշխատանքներ են իրականացվում, որպեսզի հայտնաբերեն երեխաներին։

Համայնքային ոստիկանության նշված բաժնում օպերատիվ տեղեկություններ են ստանում , որ այդ աղջիկների հետ են եղել 2 տղա՝ Հարութ և Գարեգին անուններով, ովքեր Երևանում են բնակվում։

Տեղեկությունը նշված բաժնից փոխանցվում է ՀՀ ՆԳՆ ոստիկանության համայնքային ոստիկանության գլխավոր վարչության Կենտրոնական բաժին և ՀՀ ՆԳՆ Ոստիկանության քրեական ոստիկանության գլխավոր վարչության Երևան քաղաքի վարչություն։

Արդեն դեկտեմբերի 21-ին Երևանի քրեական և Կենտրոնի համայնքային ոստիկանները երեխաներին հայտնաբերում են Կողբացի փողոցի շենքերից մեկում։

Հայտնաբերում են նաև Երևանի բնակիչ 19-ամյա Հարություն Ք․-ին և Շիրակի մարզի բնակիչ 23-ամյա Գարեգին Ա․-ին։ Վերջիններս քրեական ոստիկանների կողմից ձերբակալվում և տեղափոխվում են Երևանի քրեական վարչություն։

Արդեն ոստիկանությունում երեխաներից մեկի մայրը հայտնում է, որ այդ անձինք Կողբացի փողոցի իրենց կողմից վարձակալված բնակարանում սեռական հարաբերություն են ունեցել երեխաներից մեկի հետ։

Կասկածյալներ Հարություն Ք․-ին և Գարեգին Ա․-ին ոստիկանությունից ներկայացրել են ՀՀ Քննչական կոմիտեի Երևան քաղաքի քննչական վարչության Կենտրոնականի քննչական բաժին։

Ֆոտոլրագրողի տեղեկություններով օրեր անց աղջիկներից մեծահասակը մահացել է։