Ջոլիին մեղադրում են Բրեդ Փիթի եւ Ջենիֆեր Էնիսթոնի ամուսնալուծության մեջ

Անջելինա Ջոլիի եւ Բրեդ Փիթի մամուլում հրապարակված առաջին լուսանկարներն արվել են հենց դերասանուհու խնդրանքով։ Այս մասին հայտնում է PageSix-ը՝ հղում անելով մեդիամագնատ Ջան Վենների հուշերին, որին պատկանում էր լուսանկարը տարածող տաբլոիդը։

Ըստ նրա հուշերի՝ 2005 թվականին հրատարակության լուսանկարիչն անսպասելիորեն տեղեկություն է ստացել այն մասին, թե որտեղ են Փիթն ու Ջոլին, որ ժամին են նրանք քայլում եւ որտեղ կարող են «պատահաբար» նկարվել։ Տեղեկատվության աղբյուրը հենց Ջոլին էր։ Արդյունքում լուսանկարիչը զույգին լուսանկարել է Աֆրիկայի լողափին, որտեղ Փիթը խաղում էր Ջոլի որդեգրած որդու՝ Մեդոքսի հետ։

Լուսանկարները տարածվել են աշխարհով մեկ։ «Միստր եւ միսիս Սմիթները» ֆիլմի նկարահանման հրապարակում հանդիպած դերասանները նախկինում կասկածվում էին սիրավեպի մեջ, սակայն երկրպագուներն ուղղակի ապացույցներ ունեին։ Սակայն նրանք չեն հաստատել իրենց հարաբերությունները մինչեւ 2006 թվականը: Ամենայն հավանականությամբ, դրա պատճառը Բրեդ Փիթի եւ Ջենիֆեր Էնիսթոնի ամուսնալուծության գործընթացն էր, որն ավարտվեց 2005 թվականի հոկտեմբերին։