Ողբերգական ավտովթար՝ Գեղարքունիքի մարզում․ Մանրամասներ․ ՖՈՏՈ

Այսօր՝ հուլիսի 17-ին, խոշոր ու ողբերգական ավտովթար է տեղի ունեցել Գեղարքունիքի մարզում։ Ժամը 01։10-ի սահմաններում Երևան-Սևան-Իջևան ավտոճանապարհի 53 կմ հատվածում, Գագարին վարչական բնակավայրի տարածքում բախվել են Գեղարքունիքի մարզի բնակիչներ 41-ամյա Գաբրիել Գալոյանի վարած «ԶԻԼ 130» մակնիշի և 49-ամյա Ռոստոմ Խաչատրյանի վարած «Mercedes» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով «ԶԻԼ»-ը կողաշրջվել է, «Mercedes»-ն էլ բախվել է ծառերին, իսկ «Mercedes»-ի վարորդը տեղում մահացել է։

Օպերատիվորեն դեպքի վայր են ժամանել «Սևան» բժշկական կենտրոնի շտապօգնության բժիշկների հերթապահ խումբը, ովքեր արձանագրել են մահը։ 

Մահացածի մարմինը ավտոմեքենայից դուրս են բերել փրկարարները և մոտեցրել դիատարին։

Ֆոտոլրագրողը հայտնում է, որ բեռնատարը բարձված է եղել քարով։