Ողբերգական ավիավթար. կան բազմաթիվ զոհեր Video

Հիմալայան հանրապետության հյուսիս-արևմուտքում նեպալյան Tara Air ավիաընկերության կործանման վայրում որոնողափրկարարական գործողության ընթացքում հայտնաբերվել է առնվազն 14 դի։

Այս մասին երկուշաբթի հայտնել է The Kathmandu Post-ը՝ ավիափոխադրողի պաշտոնական ներկայացուցիչ Սուդարշան Բարտաուլուին հղումով։

Նրա խոսքով՝ ինքնաթիռը բախվել է սարին և 100 մետր շառավղով մասնատվել։ «Մահացածների մարմինների որոնողական աշխատանքները շարունակվում են»,- ասել է Բարտաուլան։

Ինքնաթիռի բեկորները հայտնաբերվել են երկուշաբթի օրը Նեպալի հյուսիս-արևմուտքում՝ Մուստանգ շրջանում։

Կանադական արտադրության Twin Otter ինքնաթիռը կիրակի առավոտյան օդ է բարձրացել Պոխարա օդանավակայանից դեպի Ջոմսոմ, և մի քանի րոպե անց նրա հետ կապը կորել է: Ինքնաթիռում 22 մարդ է եղել։ Նրանց թվում են՝ 13 Նեպալի, 4 Հնդկաստանի և 2 Գերմանիայի քաղաքացիներ։