Խոշոր ավտովթար Հայաստանում․ Լուսանկարներ դեպքից

Այսօր՝ սեպտեմբերի 4-ին, խոշոր ավտովթար է տեղի ունեցել Արմավիրի մարզում: Ժամը 01:30–ի սահմաններում Երևան-Արմավիր ավտոճանապարհի  35-րդ կմ հատվածում բախվել են Արմավիրի մարզի բնակիչ, 29-ամյա  Վահրամ Հարությունյանի վարած Ford Transit մակնիշի և Կոտայքի  մարզի բնակիչ,59-ամյա Կարապետ Գրիգորյանի վարած MAZ մակնիշի կցորդիչով բեռնատարը:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Վ. Հարությունյանը, նրա ուղևորներ, Արմավիրի մարզի բնակիչներ, 21-ամյա Հենրիկ Հակոբյանն ու 33-ամյա  Արա Առաքելյանը մարմնական վնասվածքներով  տեղափոխվել են «Արմավիր» բժշկական կենտրոն:

Դեպքի վայր են ժամանել ճանապարհային ոստիկանության  2-րդ սպայական գումարտակի 1-ին վաշտի  1-ին դասակի ավագ  տեսուչներ Եղիշե Եղյանն ու Էդգար Մաթևոսյանը: Ժամանել է նաև ոստիկանության Մեծամորի բաժնի օպերատիվ խումբը՝ բաժնի պետ Սամվել Խմելյանի գլխավորությամբ:

Վթարի մասին ՃՈ 177 օպերատիվ կառավարման կենտրոնի պատասխանատու հերթապահ Դավիթ Գրգորյանը տեղեկությունը փոխանցել է Հայաստանի քննչական կոմիտեի Արմավիրի մարզային քննչական վարչություն, որտեղից ժամանել է քննչական խումբը՝ ավագ քննիչ Կիրակոսյանի գլխավորությամբ, ում կողմից նախաձեռնվել է վարույթ: