Դիտավորություն, թե պատահականություն. Նոր մանրամասներ՝ «Շանթի» հաղորդավարուհու ողբերգական մահվան դեպքից

Այսօր՝ մայիսի 9-ին, Ալավերդի քաղաքի Սանահին կայարանի հարակից Դեբեդ գետից քաղաքացիները փրկարարներն ու Լոռու պարեկները Դեբեդ գետից անգիտակից վիճակում դուրս են բերել երիտասարդ աղջկա, ով շտապօգնության ավտոմեքենայով տեղափոխվել է Ալավերդու բժշկական կենտրոն, որտեղից կարճ ժամանակ անց ոստիկանության Թումանյանի բաժին ահազանգ է ստացվել, որ նա գիտակցության չգալով՝ մահացել է:

Դեբետ գետն ընկնելու հետևանքով մահացել է հաղորդավարուհի Արմինե Ճաղարյանը։ ԱԻՆ-ից հայտնել էին, որ հաղորդավարուհին գետն է ընկել ռետինե նավակով նավարկելիս։

Rafting in Armenia էջից տեղեկանում ենք, որ մայիս 7-ից սկսած Դեբետ գետում ռաֆթելն արգելված է եղել հորդառատ անձրևների հետևանքով գետի վարարման պատճառով։

Լոռու մարզային փրկարարական վարչությունից  iPress.am-ին հայտնեցին, որ նկարահանում իրականացնելու ժամանակ նավակը շրջվել է, և քաղաքացին ընկել է գետը, խեղդվել: Մահն արձանագրվել է հիվանդանոցում, բայց քաղաքացին գետից դուրս բերելու պահին արդեն անգիտակից է եղել: