ԲԱՑԱՌԻԿ տեսանյութ այսօր Արմավիրում տեղի ունեցած վթարից

Այսօր՝ դեկտեմբերի 11-ին, ավտովթար է տեղի ունեցել Արմավիրի մարզում: Ժամը 08:30-ի սահմաններում Արմավիր քաղաքի Բաղրամյան փողոցի 20/5 հասցեի դիմաց բախվել են Արմավիրի մարզի բնակիչներ 34-ամյա Մարատ Հ.-ի վարած «Mercedes» մակնիշի և 20-ամյա Հայկ Ա.-ի վարած «Opel» մակնիշի ավտոմեքենաները:  

Ինչպես հայտնում է ֆոտոլրագրող Գագիկ Շամշյանը, վթարի հետևանքով «Opel»-ի ուղևոր, Արմավիրի մարզի բնակիչ 20-ամյա Երջանիկ Պ.-ն մարմնական վնասվածքներով Արմավիրի շտապօգնության բժիշկների կողմից տեղափոխվել է «Արմավիր» բժշկական կենտրոն:  

Բախման հետևանքով «Opel»-ը բախվել է ծառին և կիսակողաշրջվել:

Տարածքը սահմանազատել են պարեկները:

Դեպքի վայր են ժամանել նաև ՀՀ ՆԳՆ ոստիկանության համայնքային ոստիկանության գլխավոր վարչության Արմավիրի բաժնի օպերատիվ խումբը՝ բաժնի պետ Վոլոդյա Գևորգյանի գլխավորությամբ:

Վթարի փաստով քննչական վարչությունում նախաձեռնվել է քրեական վարույթ:

SHAMSHYAN.com-ը ներկայացնում է բացառիկ տեսանյութ, որը արձանագրվել է տեսախցիկների կողմից, թե ինչպես է տեղի ունեցել ավտովթարը: