Aյսօր՝ սեպտեմբերի 30-ին, ողբերգական դեպք է տեղի ունեցել Սյունիքի մարզում:
Ժամը 19:10-ի սահմաններում ոստիկանության Գորիսի բաժին ահազանգ է ստացվել, որ «Մինա» հյուրանոցային համալիրի բակում տղամարդու դի կա:
Դեպքի վայր են ժամանել ոստիկանության Գորիսի բաժնի օպերատիվ խումբը և Հայաստանի քննչական կոմիտեի Սյունիքի մարզային քննչական վարչության Գորիսի քննչական բաժնի խումբը, այս մասին հայտնում է Shamshyan.com-ը:
Ոստիկաններն ու քննիչները նշված հյուրանոցային համալիրի տարածքում հայտնաբերել են 30-35 տարեկան տղամարդու դի: Ըստ նախնական տեղեկությունների՝ վերջինս շենքի տանիքից իրեն ցած է նետել:
Ոստիկանությունն ու քննչական բաժինը պարզում են մահացածի ինքնությունը:
English
Русский
