Hraparak.am-ը գրում է.
Կոտայքի մարզի Լեռնանիստում ապշած են գյուղում կատարված դեպքի վրա: Գյուղացիները մեզ պատմեցին, թե ինչպե՞ս է խորթ անչափահաս տղան փորձել խեղդամահ անել հոր՝ 26-ամյա կնոջը, եւ որ աղջկան խեղդելու լուրը լսելով՝ մայրը հանկարծամահ է եղել:
Ըստ գյուղացիների՝ մի քանի տարի է, ինչ իրենց համագյուղացի Կամո Սիմոնյանը ամուսնալուծվել է, եւ երկրորդ անգամ ամուսնացել: Նրանց տուն հաճախ է այցելել խորթ տղան եւ պահանջել կնոջը՝ հեռանալ տանից. «Առաջին կնոջից Կամոն 3 երեխա ունի, գյուղում չեն ապրում:
Կամոյի տղան միշտ գալիս էր հոր տուն, ու կռիվ սարքում: Էս անգամ էլ իմացել ա, որ հերը տունը չի, եկել ա հետեւից թաքուն լարը փաթաթել Սուսանի վզին: Աղջիկն ուշաթափվել, ընկել ա, տղեն էլ՝ վախեցել ու փախել ա: Շտապօգնությունով Սուսանին հասցրել ենք հիվանդանոց, տեղում առաջին բուժօգնություն ա ստացել, ու տուն եկել:
Այդ ընթացքում զանգել են Սուսանի մորը, որ տեղյակ պահեն կատարվածի մասին: Մայրը լուրը լսելով դուրս ա վազել, որ հասնի աղջկա տուն, ճանապարհին մահացել ա, երեւի ինֆարկտ ա ստացել, քանի որ ողջ դեմքը կապտած էր»,-պատմում էին Սուսանի հարեւանները:
Հավելենք, որ ոստիկանության ձեռնարկված օպերատիվ-հետախուզական միջոցառումների շնորհիվ կասկածյալը ձերբակալվել է:
English
Русский
