Զոհվել է «Տարզան» ֆիլմից հայտնի դերասանը. Հայտնի է ինչից (լուսանկարներ)

iPress.am- «Տարզան», «Մալիբուի փրկարարներ» և մի շարք այլ ֆիլմերից հայտնի ամերիկացի կինոդերասան Ջոզեֆ Լարան և նրա կինն ավիավթարի հետևանքով զոհվել են, հաղորդում է The Hollywood Reporter-ը։ 

Հայտնի է, որ 58-ամյա դերասանը և նրա կինը՝ սննդաբան Գվեն Լարան, եղել են նախօրեին Թենեսի նահանգում Cessna C501 ինքնաթիռի կործանման հետևանքով 7 զոհերի թվում։ Նշվում է, որ զույգն ամուսնացել էր 2018-ին․ նրանք ունեն դուստր։ Ավելի վաղ հաղորդվել էր, որ Թենեսի նահանգում Cessna C501 ինքնաթիռը թռիչքից անմիջապես հետո Նեշվիլ քաղաքի մերձակայքում լիճն է ընկել․ ինքնաթիռի բոլոր 7 ուղևորները մահացել էին։ 

«Առավոտյան ժամը 10։35-ին Cessna C50 ինքնաթիռը օդանավակայանից թռել է դեպի Փալմ Բիչի միջազգային օդանավակայան։ Թռիչքից կարճ ժամանակ անց փոքր ուղևորատար ինքնաթիռն ընկել է Պերսի Պրեստ լիճը։ Օդանավում եղել է յոթ մարդ, բոլորը մահացել են»,- ասված էր Ռաթերֆորդ շրջանի հրշեջ-փրկարարական ծառայության հայտարարության մեջ։