Արտակարգ դեպք. ՖՈՏՈ

iPress.am- Այսօր՝ հունիսի 2-ին,  ավտովթար է տեղի ունեցել Արարատի մարզում: ժամը 10:10-ի սահմաններում Ավշար գյուղի Մ. Խորենացի և Գրիգորի փողոցների խաչմերուկում բախվել են  Աարատի մարզի բնակիչներ, 29-ամյա Բորիս Բադալյանի վարած ВАЗ  2106 մակնիշի և 66-ամյա Սոս Խաչատրյանի վարած ВАЗ  2121 մակնիշի ավտոմեքենաները:

Վթարի հետևանքով Ս. Խաչատրյանը, նրա ուղևոր, Արարատի մարզի բնակիչ, 64-ամյա Պետիկ Թորոսյանը մարմնական վնասվածքներով տեղափոխվել են «Արարատ» բժշկական կենտրոն, այս մասին հայտնում է Shamshyan.com-ը:

Բախման հետևանքով էլ Niva-ն  դուրս է եկել երթևեկելի գոտուց, կոտրել գազատար խողովակն ու խողովակի հենասյունը և մասամբ հայտնվել բնակչի տան բակում:

Օպերատվորեն դեպքի վայր են ժամանել ճանապարհային ոստիկանության  2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Կարապետ Հարությունյանի գլխավորությամբ: Տեղում հետաքննական աշխատանքները ղեկավարել է  նույն վաշտի հետաքննիչ  Արմեն Գաբրիելյանը, ում կողմից փաստի առթիվ նյութեր են նախապատրաստվում:

Աղբյուիր տեղեկություններով՝  հիվանդանոց տեղափոխվածները ծառայում են ՀՀ ՊՆ N զորամասում՝ որպես պայմանագրային զինծառայողներ: