Երևանում ցրտահարությունից մայր ու որդի մահացել են

Երևանի Արտաշիսյան փողոցի 45/21 շենքի բնակարաններից մեկում երեկ 2 դի է հայտնաբերվել։ Տեղեկությունը հայտնում է ֆոտոլրագրող Գագիկ Շամշյանը։ 72-ամյա Աիդա Բ.-ի և 47-ամյա Արթուր Գ.-ի դիերը հայտնաբերել են շտապօգնության բժիշկները, որոնք նշված հասցե են մեկնել ժամը 10։50-ի սահմանում։

Դատաբժշկի նախնական եզրակացության համաձայն՝ արտաքին զննությամբ դիակների վրա բռնության հետքեր չեն հայտնաբերվել։

Կայքի տեղեկություններով՝ մահացածները մայր ու որդի էին, և, ըստ նախնական տեղեկությունների, նրանց մահվան պատճառը ցրտահարությունն է եղել։