Վրեժխնդրություն Արմավիրի մարզում. սարսափելի մանրամասներ

iPress.am- Երեկ՝ հունիսի 2-ին, արտառոց դեպք է տեղի ունեցել Արմավիրի մարզում: Ժամը 19:00-ի սահմաններում Արմավիրի  մարզի գյուղերից մեկի  բնակիչ, 44-ամյա Ամր Մ.-ն դիմել է ոստիկանության Արմավիրի բաժին և հայտնել, որ  1 օր առաջ այցելել է Արմավիրի մարզի գյուղերից մեկում գտնվող իր հարազատների գերեզմանատուն, որտեղ թաղված են իր հայրն ու մայրը, շիրիմի մոտ նկատել է սև գույնի կտոր: 

Ամր Մ.-ն ոստիկաններին հայտնել է, որ,  ըստ իրենց ավանդույթի, եթե գերեզմանոցում սև գույնի կտոր են դնում, ապա դա նշանակում է վրեժխնդրություն, այսինքն ՝ սպանության սպառնալիքներ:

 Աղբյուրի տեղեկություններով՝ Ամր Մ.-ն ոստիկաններին հայտնել է նաև,  թե ում վրա  է կասկածում այդ արարքում: Իսկ  ոստիկանության Արմավիրի բաժնում ստացված հաղորդումը տարածքային կարգով հետագա ընթացքը որոշելու նպատակով ուղարկվել է ոստիկանության Բաղրամյանի բաժին: