Վրաերթի ենթարկվածներից մեկը երգչուհի է, մյուսը՝ ԱՁ տնօրեն. մանրամասներ. Տեսանյութ

Ճանապարհային ոստիկանության ճանապարհատրանսպորտային պատահարների գործերով հետաքննական և վարչական վարույթի իրականացման բաժանմունքի պետ Գրիգոր Ավետիսյանի  որոշմամբ հետաքննական խմբի ղեկավար նշանակված ավագ հետաքննիչ  Վարդան Բաբաջանյանի կողմից նյութերի նախապատրաստման ընթացքում  պարզվել է երեկ՝ հունիսի 23-ին, Երևանում  Երևանի բնակիչ, 25-ամյա Վանուշ Ստեփանյանի կողմից վարած Mercedes  CLS 500 մակնիշի ավտոմեքենայով Երևանում վրաերթի ենթարկված և հիվանդանոց տեղափոխված վիրավորների ինքնությունը:

Ինչպես հայտնում է ֆոտոլրագրող Գագիկ Շամշյանը, պարզվել է  հիվանդանոց են տեղափոխվել Երևանի բնակիչներ, 31-ամյա Նելլի Գ.-ն և  40-ամյա Իրինա Ա.-ն:

Աղբյուրի տեղեկություններով՝ Նելլի Գ.-ն Երևանի Կոմիտասի անվան կոնսերվատորիայի երգչուհի է, իսկ Իրինա Ա.-ն ՝ ԱՁ տնօրեն:

Ինչպես ավելի վաղ դեպքի վայրից հայտնել էր Աղբյուր, հունիսի 23-ին վրաերթ էր տեղի ունեցել Երևանում: Ժամը 21:40-ի սահմաններում Երևանի բնակիչ 25-ամյա Վանուշ Ստեփանյանը  իր վարած Mercedes CLS 500 մակնիշի ավտոմեքենայով Մաշտոցի պողոտա-Թումանյան փողոցի խաչմերուկում վրաերթի էր ենթարկել  2 հետիոտնի:

Վարորդը փախուստի չէր դիմել, օգնել էր վրաերթի ենթակվածներին օպերատիվորեն  դեպքի վայր ժամանած Երևանի  1-03 շտապօգնության բժիշկների հետ տեղափոխել Հերացու անվան թիվ համալսարանական հիվանդանոց:

Փաստի առթիվ Վ. Բաբաջանյանի  կողմից նյութեր էին  նախապատրաստվում: