Վրաերթ Երևանում

Այսօր՝ մարտի 22-ին, վրաերթ է տեղի ունեցել Երևանում: Ժամը 17:00-ի սահմաններում, Daewoo մակնիշի 06 LO 046 համարանիշի ավտոմեքենայի վարորդը, Կոմիտասի պողոտայում՝ «Արաբկիր» հանրախանութի հարևանությամբ վրաերթի է ենթարկել փողոցը չթույլատրելի հատվածով անցնող մոտ 55 տարեկան տղամարդ հետիոտնի:

Վարորդը փախուստի չի դիմել, օգնել է օպերատիվորեն դեպքի վայր ժամանած Երևանի 1-03 շտապօգնության բժիշկների հերթապահ խմբին, վրաերթի ենթարկվածին տեղափոխել Մ. Հերացու անվան թիվ 1 համալսարանական հիվանդանոց,այս մասին հայտնում է Shamshyan.com-ը:

Օպերատիվորեն դեպքի վայր են ժամանել Երևանի Ճանապարհային ոստիկանության ծառայողներն ու Արտակարգ իրավիճակների նախարարության Փրկարար ծառայության փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարակական ջոկատը:

Տեղում են նաև ոստիկանության Արաբկրի բաժնի օպերատիվ խումբը՝ ՊՊԾ-ի ծառայողներով: Դեպքի մասին Երևանի ՃՈ օպերատիվ կառավարման կենտրոնի պատասխանատու հերթապահ Արրսեն Կարապետյանը տեղեկությունը փոպանցել է Ճանապարհային Ոստիկանության ճանապարհա-տրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խոււմբը՝ բաժանմունքի պետ Խաչի Սամվելյանի, ավագ հետաքննիչ Հովհաննես Սարգսյանի գլխավորությամբ:

Փաստի առթիվ Հ. Սարգսյանի կողմից նյութեր են նախապատրաստվում: Ոստիկանությունը պարզում է վարորդի և վիրավորի ինքնությունը: